Raportahe: Cartel Mexicano ta usa Aruba pa trafica cocaina pa Merca

MEXICO – Aruba su nomber un biaha mas ta wordo menciona como ‘trampolin’ pa traficacion di droga. E portal infobae.com ta mustra cu for di 2014 tin henter un operacion di cartel Mexicano, CJNG (Cártel Jalisco Nueva Generación) cu ta usando Aruba como isla pa yuda trafica e droga for di Mexico. Tin henter un mapa cu ta splica con Aruba su envolvimento ta, pero no ta bisa ken y tampoco si ainda esaki ta vigente.  

E CARTEL

E cartel a bira un di esnan mas violento di mundo segun e raportahe ta sigui bisa. E clave di su expansion liher ta debi na e presencia strategico di fronetanan norte y sur di Mexico, y e zona di e dos oceanonan, Atlantico y Pacifico. 

TRANSPORTE VIA ARUBA

E trafico di coca ta inclui uso di avionan ultralight carga cu mercancia di Colombia, y tur ta propiedad di e Cártel Jalisco Nueva Generación.For di Mexico, e transporte aereo ta sali pa Venezuela, pasando via Aruba. E emisarionan Mexicano ta usa e control di espacio aereo Venezolano, unda un complice di e Forza Arma di e pais ta evita cu e avionan ta wordo tira abou. Unabez libra, nan ta biaha pa e parti superior di Venezuela, y ta yega Zulia, na frontera cu Colombia. Na e punto ey, e avionan ta baha riba pistanan clandestine y ta carga cu un of dos ton di coca, for di Santander Colombia. Cu e cargamento den avion, e sicarionan di CJNG ta bolbe na e prome punto di ingreso, esta Aruba. Aki nan ta tuma avion pa Guatemala y Honduras. Na Centro America, e avionan ta wordo distrui pasobra e sicarionan no ta usa e mesunavion pa trafica e droga pa Merca. 

PAKICO ARUBA

Aruba su punto interesante ta cu e proximidad cu Venezuela ta chikito, apenas 23 km. Esaki ta hacie un punto importante pa trafico di droga pa paisnan Norte Americano. E cartelnan mexicano a usa e isla (Aruba) como un brug di Colombia pa Venezuela. Lesa e articulo completo AKI.