Wever: Nada no ta cambia pa gobierno, cu retiro di Lejuez

ORANJESTAD - E hecho cu Daphne Lejuez a entrega retiro como parlamentario di MEP no ta cambia nada den e actual gobierno. Asina prome minister Evelyn Wever Croes a bisa riba pagina di Facebook di gobierno. " Esaki ta algo cu partido MEP lo atende internamente prome. Pa Gobierno nada ta cambia. Coalicion MEP-POR-RED ta sigui atende cu e retonan real di nos pais pa asina brinda Aruba e stabilidad politico cu nos mester na e momento aki" e mensahe ta finalisa bisando. E mensahe ta 'firma' pa lider di e tres partidonan di coalicion.