Prijs di gasoline na Aruba a subi awe atrobe

ORANJESTAD – Entrante 1 di december 2014 prijs di gasoline unleaded ta bolbe subi na Aruba. E biaha aki e ta subi cu 4,1 cent pa liter, na 206,0 cent pa liter. Esaki a bin como un sorpresa pa hopi, mirando e forma con prijs di petrolio a bin ta baha rond mundo. Mientras cu no a bisa esaki, NoticiaCla.com a compronde cu esaki ta un efecto directo di e introduccion di e 'health tax' di 1%. Y pesey tambe no a warda te e di dos diaranson di luna pa haci e cambio. Un otro cambio ta cu normalmente ta presenta e cambio di prijs di gasoline, riba e di dos diaranson di luna. E biaha aki sinembargo, esaki a sosode riba e prome dia di luna. No ta conoci pakico e cambio aki a tuma lugar. Mientrastanto e otro aumento di prijs tambe ta conoci.

 Diesel LS                                             : 188,2 cent pa liter (aumento di   3,7 cent)

Kerosin                                               : 179,0 cent pa liter (aumento di   3,5 cent)