- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Hudson: Hopi hende defrauda pa muher cu a tuma placa pa carchi di concierto
ORANJESTAD – Un grupo grandi di persona diadomingo ultimo a keda cu gana di wak e concierto di Marco Antonio Solis, debi cu nan no a haya nan carchi di entrada siendo cu nan a paga si pa e carchinan y respectivo mesa. For di promotor y organizador di e concierto, Steve Hudson, noticiacla.com a compronde cu ta trata di un cantidad di entre 11 pa 12 mesa y e suma di 66.800 florin cu mester a drenta, pero cu te cu ainda ta ‘perdi’, esta cu nunca no a yega cerca e promotor pa asina e por entrega e carchinan respectivo. Segun Hudson ta trata di e persona conoci den comunidad, Clarissa A, cu lo a compromete su mes pa a bende e cantidad di mesa menciona, pero cu nunca a entrega e placa aki, cu consecuencia cu e no por a haya e carchinan, defraudando asina decenas di persona.
KICO A PASA
Segun Hudson, henter e ‘episodio’ a cuminsa na juni ultimo ora cu e muher di fam A. a acerca Hudson cu e lo kier pa Hudson reserva 14 mesa VIP cu e kier a bende pa e concierto. Hudson a splica cu e persona aki (A. )a haci mescos durante e concierto di Ana Gabriel na mei unda cu A. a reserva y bende 6 mesa, pa cual el a cumpli cabalmente cu e pago di e mesanan aki. Basa riba experiencia aki, Hudson a bay di acuerdo cu A. pa reserva e cantidad di mesanan aki e biaha aki. E biaha aki sinembargo cos a bay diferente. Tempo a pasa, y placa primintio no tabata drenta segun Hudson. Segun Hudson, A a opta pa trece tur e placa ‘in bulk’ enbez di trece placa cada bez. Hudson awe ta lamenta cu e no a para mas fuerte, pa exigi placa y actua mas liher, pero atrobe, experiencia anterior a pone actua di e forma cu el a actua y pa respeta e reservacionan cu a haci. Segun Hudson, A lo a mustra envelop cu nomber di hende cu lo tabata cumprando y paga aunke no kier/por a duna esaki ainda na Hudson. Hudson no a tende nada mas di A, y a cuminsa busca contacto cu e persona sin exito manera cu e fecha di concierto tabata yegando cerca.
CONTACTO
Tabata te na final, faltando apenas 2 dia, cu Hudson a cuminsa compronde cu cos no tabata bayendo bon, y cu A, a ‘resocita’ despues di no por a haya contacto cu ne prome y cu finalmente A. a pidi pa topa cu Hudson siman pasa diabierna. Berdad diabierna atardi ultimo A. a reuni cu Hudson y a splica na yoramento, acompaña cu su tata (segun Hudson), cu e no tin e placa acumula, pero si Hudson por a dune e carchinan toch pa e cumpli cu esnan cu el a bende cu ne pa no keda malo cu e hendenan. A splica na yoramento cu ta beslag a wordo poni riba su cuenta door di belasting y cu ta pesey e placa no tabatey. Via su tata, a purba haya e promesa di pago bek den pago ‘poco poco’, sin duna un tempo specifico. A splica Hudson cu e tata di A ta taxista y cu e lo paga bek sigur. A cuestiona esaki mirando e labor di taxi versus e suma grandi cu mester paga bek. Despues a bisa cu lo ta dispuesto pa pone un auto como garantia pa sigura e placa. Esaki sinembargo pa Hudson, no tabata posibel y a para ariba cu e mester presenta e placa, sino e no por duna e carchinan, mescos cu a haci cu tur hende cu a reserva y cu a haya nan carchi ora cu nan a paga. A sugeri pa su doño di trabou (un rifero conoci) yude cu e placa, pero esaki a keda rechasa pa e rifero. Pues A, awor ta keda cu un debe grandi. Segun Hudson, diasabra y diadomingo hendenan a bin na su oficina pa asina reclama nan carchi pa cual nan a paga pe caba. Pero Hudson a haya su mes ta nenga, pasobra a splica tur cu e no a ricibi placa pa e carchinan, pues como tal e no por duna carchi. Notable tambe segun Hudson, ta e storianan cu esnan cu tabata acudi na su oficina, tabata conta. Entre nan, cu segun versionan di A., e lo a wordo atraca, of tambe cu un señora responsabel pa e kluis den cual e placa tabata warda, tabata ‘spoorloos’, y asina tabatin mas storia cu A. tabata confronta e personanan. “Pa cada persona, e tabatin un storia”, Hudson a sigui bisa e portal aki.
DENUNCIA?
Mientrastanto e portal aki a compronde cu e grupo di persona cu a keda defrauda, a keda di entrega un keho na recherché, si pa dialuna (awe) A., no duna nan nan placa bek, ya cu nan no a haya carchi pa e concierto y asina keda defrauda. Sinembargo e portal aki no por a confirma e ultimo parti aki.
DISTANCIA
Na final di dialuna mainta, e portal aki a haya e siguiente mensahe adicional di parti di e organisacion di e concierto: “Team di Produccion MAS Aruba a tuma nota di e situacion fastioso cu a presenta regardando Sra. A. Por medio di esaki, Team di Produccion y Promotor di e concierto MAS ta informa tur persona di ta tuma distancia for di e situacion mirando cu Sra. A. ta completamente responsabel pa e sucedido. E portal aki a busca contacto cu e persona A, pero te ainda no tabata exitoso den e intento.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
