- Presion di CAFt a pone gobierno kita 16 miyon pa RWZI di e prespuesto
- Presentadora di television Hulandes a tende di su Condecoracion Real mientras cu e ta na Aruba
- Condecoradonan a ricibi nan ‘cinta’ pa nan esfuerso y dedicacion boluntario na pais Aruba
- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
Knops: Wever mester (continua) formula (su mes) cuidadosamente den futuro
ORANJESTAD – Prome Minister di Aruba Evelyn Wever mester (continua) formula (su mes) cuidadosamente den futuro y tene su mes na hechos (solamente). Sigur pa loke ta e relacion cu Hulanda. Asina minister Hulandes Raymond Knops a bisa Wever recientemente, segun un carta cu el a manda pa Tweede Kamer dialuna, y cu ta den poder di noticiacla.com. Knops ta referi na e ‘episodio’ cu a surgi despues di un entrevista di Wever den e programa Noticiacla LIVE luna pasa. Wever, dunando Knops un clarificacion riba peticion di e mandatario Hulandes, a sigura e mandatario Hulandes cu e corant (di Corsou) a cit’e robez den un articulo cu ta basa su mes riba e programa menciona.
E CARTA
E commission permanente di Tweede Kamer riba Relacionan di Reino recientemente a pidi e mandatario pa un clarificacion riba e contenido di un articulo di e matutino di Corsou Antiliaans Dagblad, cu lo a causa consternacion na Hulanda. Segun e articulo, particularmente un frase, ‘cu ministernan Hulandes nunca bo sa (kico ta kico) pasobra nan no semper ta tene nan mes na ley’, a causa e consternacion necesario, sigur pasobra segun e matutino, e declaracion ey a bin nada menos di prome minister di Aruba mes. Como tal a manda un carta pa e mandatario, exigiendo un contesta prome cu 8 di November 2019. Y Knops a cumpli cu e peticion di e contesta, pero algun dia despues.
CONTESTA KNOPS
Knops a contesta cu el a tuma nota di e articulo enberdad y cu e tambe a keda asombra. “Como tal mesora mi a pidi e premier pa clarificacion. “Den un carta di 31 di October 2019 e ta bisa cu (e corant) a cite robez y cu e no a bisa cu Ministernan Hulandes no ta tene nan mes na ley” Knops ta cuminsa na bisa. “Mi a pidi e premier di Aruba pa, sigur pa cu e relacion cu Hulanda, den futuro (e) (continua) formula (su mes) cuidadosamente den futuro y tene su mes na hechos (solamente)” Knops a finalisa e carta. Pues un carta cortico cu un mensahe fuerte: Tene bo mes na hechos, y no bisa cos cu por perhudica e relacion entre Aruba y Hulanda. Dia 22 di November proximo, Conseho di minister di Reino ta trata e asunto di instruccion pa Aruba, conforme conseho di e colegio di supervision financiero.
TWEEDE KAMER
E comision permanente di Tweede Kamer di Hulanda tabata kier clarificacion di minister Raymond Knops, riba e declaracion recien haci di Wever Croes, durante e entrevista cu NoticiaCla LIVE. Como tal nan a manda un carta pa Knops pa esaki. Nan tabata kier e clarificacion riba e articulo di e matutino Antiliaans Dagblad na Corsou riba e tema. Den e carta fecha 24 di october 2019, nan ta referi na e articulo, cu a cita parti di un programa di NoticiaCla LIVE, unda cu e mandatario lo a haci e declaracionnan. E declaracionnan aki no a cay den bon tera na Hulanda, y awor nan kier reaccion di e mandatario y a exigi esaki pa mas tarda 8 di november ultimo.
CAMBIA PALABRA
Ora cu Wever a contesta Knops riba e tema, e ta referi na e hecho cu e matutino na Corsou a coy e programa en cuestion y a skirbi cu Wever a bisa cu: ‘ora cu bo ta deal cu e ministernan Hulandes, nunca bo no sa (kico por pasa), pasobra nan no semper ta tene nan mes na margen di ley’. Mientras cu e pensamento ta mescos, e matutino a uza otro palabra y structura, creando e situacion cu a surgi aworaki. E comision no a aprecia e declaracion ey manera cu el a sali den e matutino y a pidi e aclareacion di e mandatario.
Conocido presentadora di programa Sinterklaas Journaal mester laga amputa su nanishi
HILVERSUM – E conocido presentadora di television Hulandes, conoci mas pa e presentacion di e noticianan di Sinterklaas, Dieuwertje Blok (66) ta retira di su funcion. Esaki pasobra e mester haci un operacion cu ta cambia su apariencia. E mester laga amputa su nanishi pa evita cu cancer detecta, ta plama mas leu den su curpa. Asina e la informa den un entrevista na e corant Volkskrant. Cu e entrevista, e ta purba prepara hende pa e ‘spanto grandi’ manera e mes ta yama e situacion.
Gobierno Hulandes ta evaluando pa stop su paginanan riba Facebook
DEN HAAG – Tin chens cu gobierno di Hulanda por stop su actividad riba e red social Facebook. Esaki pasobra e compania madre di e compania, esta META, no ta dispuesto pa adapta cierto risico pa loke ta informacion personal di persona. Asina secretario di estado Hulandes Alexandra van Huffelen cu tin e cartera di digitalisacion tambe. Un conseho di ‘Autoriteit Persoonsgegevens’ a confirma den un conseho na e ministerio di Binnenlandse Zaken en Koninkrijkrelaties (BZK) di e risiconan en cuestion y a conseha pa no continua cu nan actividad riba Facebook.
Seleccion di futbol Hulandes PSV tin posibilidad pa titula campeon di Hulanda awe nochi
EINDHOVEN – E seleccion di futbol Hulandes PSV tin posibilidad pa titula campeon di Hulanda awe nochi. Awe nochi (ora di Hulanda) tin e partido entre PSV y Sc Heerenveen. Si nan gana, y Feyenoord no logra haya punto contra Go Ahead Eagles, e seleccion di Peter Bosz no por wordo alcansa mas. Hasta si PSV empata contra Heerenveen y Feyenoord perde di Go Ahead, e titulo ta di e ekipo di Eindhoven. Pa PSV, esaki lo ta e prome titulo nacional desde 2018.
Arubahuis a tene un ‘Ban Topa’ cu studiantenan na Den Haag
DEN HAAG – Arubahuis a tene un Ban Topa diaranzon anochi 24 di April cu studiantenan for di e region di Leiden, Den Haag, Delft y Rotterdam. Esaki a tuma lugar na De Haagse Hogeschool y a conta cu presencia di Minister Plenipotenciario mr. Ady Thijsen, Minister di Finanza y Cultura Xiomara Maduro, Minister di Labor, Integracion y Energia Glenbert Croes y directora di Gabinete di Aruba mr. Joselin Croes. Tambe tabata presente directora di Departamento di Recurso Humano (DRH) Omaira Lares.
Na Hulanda, partidonan formando formando gobierno, kier corta ‘eigen risico’ den cuido medico
DEN HAAG – E partidonan politico cu ta formando gobierno nobo na Hulanda ta deliberando pa haci cambionan drastico den cuido medico, particularmente e suma cu e ciudadano tin cu paga su mes, conoci como ‘eigen risico’, pa e haya e cuido. Nan ta sinti cu e suma actual, 358 euro, ta mucho halto. Y ta pensando pa sea baha esaki na mitar of elimina esaki completamente. E ta un deseo ferviente di e partidonan PVV y BBB. Nan ta kere cu e suma halto di eigen risico ta pone cu hopi ta evita pa haya ayudo medico. E otro dos partidonan VVD y NSC ta mas cauteloso, pasobra si elimina e suma, ta kita e concientisacion cu cuido no ta gratis. E intencion ta pa elimina abuso den cuido medico y ta pone hende pensa dos biaha prome nan bay pa e cuido cu porta ta innecesario. Si elimina e suma, e ta costa e pais 3.6 biyon euro pa aña.
Preocupa cu e nivel di gobernacion, Hulanda ta ofrece Aruba y Corsou curso pa por goberna miho
ORANJESTAD/WILLEMSTAD – Pa fortifica e poder di gobernacion riba e islanan di Reino Hulandes den Caribe, Universidad di Utrecht y de Haagse Hogeschool ta cbay ofrece un estudio parcial di ‘bestuurskunde’ hunto cu universidadnan di Aruba y Corsou. Asina e portal utoday di Hulanda ta raporta. E gabinete ta preocupa cu e gobierno di Corsou, segun secretario di estado Hulandes Van Huffelen. E ta plan tambe cu e minister Hulandes di Enseñansa Dijkgraaf a trata recientemente durante su bishita na Aruba y Corsou.
Follow NoticiaCla
