Marco Antonio Solis a entretene su publico di Aruba pa mas di dos ora

ORANJESTAD –  E artista Mexicano Marco Antonio Solis a entretene e publico grandi di mas of menos 3000 persona cu su show “El Mas Querido” Tour diadomingo anochi na Harbour Arena, den un forma elegante di seating. Tur esnan presente a disfruta di e show di 2’ora y 35 minuut cu el a presenta, incluyendo cu su dos yiu muhernan. “E tabata hopi varia” un persona di edad a bisa Noticiacla.com. “E ta canta sublime”, tabata otro comentario. Tur esnan cu a presenta, a goza, grita canta coro y mucho mas. E unico punto negativo tabata e asunto di ‘scam’ unda cu un persona a defrauda un grupo basta grandi di hende cu pa su motibo, lo no por a mira e show. Den un otro articulo, lo toca e tema lamentable aki, y haya e version di e promotor. 

E CONCIERTO

E servicio na mesanan, tabata na encargo di Rennaisance Convention Center y a resulta sublime. Wind Creek Seaport Casino a duna chens pa 100 di su invitadonan disfruta e concierto, pa cual nan a haya un area di VIP special. E set up, esta e parti logistico tabata na man di Steven John Hudson, Y Elite tabata encarga cu e parti di luz y zonido, particularmente Patrick, cu a sa di maneha e ekiponan. A introduci e biaha aki un area special di toilet, cu a cay na agrado di hopi, y tabata na encargo di Compra. Tabatin stul y sofa disponibel si bo mester a warda un rato pa bay baña. Tabatin un asortimento grandi di cuminda, y tambe tabatin snacks pa e mesanan di VIP, na encargo di Huchada. E localidad segun e promotor Steve Hudson, ta keda un lugar perfecto pa concierto habri na Aruba.