Atraco team marduga a detene sospechoso di atraco di Little Europe

ORANJESTAD – Atraco team a detene un otro sospechoso den caso di atraco riba Little Europe. Segun vocero suplente di polis Liliana Rasmijn, tabata awe dialuna madruga cu Atraco Team a detene un e sospechoso. Mas concreto, tabata den oranan tempran cu e team di aresto a haci un entrada hudicial na un cas situa na Tanki Leendert. A detene un sospechoso nacionalidad hulandes relaciona cu e caso aki. No ta descarta cu lo por tin mas detencion.