CAFt: Departamentonan di gobierno no ta haci suficiente pa baha overtime

CAFt: Departamentonan di gobierno no ta haci suficiente pa baha overtime

Posted on 11/8/2019 11:34 am AST | Updated on 11/8/2019 11:35 am AST

ORANJESTAD – Practicamente tur departamento di gobierno cu e colegio di supervision financiero (CAFt) a haci un investigacion recien, esta Korps Politie Aruba (Politie), Departamento di Aduana (Douane), Dienst Gevangeniswezen Aruba (GKIA) en Dienst Brandweer Aruba (Cuerpo di Bombero) tin overtime structural. Y tur ta conciente di e problema di overtime na Aruba, pero e forma den cual nan ta traha riba e maneho di esaki, ta varia. Asina  CAFt ta bisa den nan raport investigativo riba e tema aki, publica recientemente. Nan a haci un trabou investigativo riba e tereno aki pa asina ‘yuda’ gobierno pa cu e reduccion di overtime y gasto di personal.

DIFERENCIA

Segun CAFt, un departamento ta mas minucioso cu e otro, pero ningun ta haci uso di e instrumento completo cu ley ta brinda pa reduci overtime. E reduccion di overtime ta pidi pa implementa medida impopular cu riba termino corto, mester conduci na un otro impression di e tema di ‘overtime cerca un departamento ehecutivo’. Asina e colegio ta sigui bisa. Segun e colegio, mes momento tin varios posibilidad dentro di e cuadro actual legal, pa riba un manera gradual pa reduci e overtime na e respectivo departamentonan. “E lo ta un process largo unda cu mester haci un cambio di cultura” CAFt ta sigui bisa. Ademas ta mustra cu den tur departamento tin exceso bisto cu ta cuestiona te na unda por papia di overtime real, mirando cu fisicamente ta practicamente imposibel pa traha double warda den un forma structural. CAFt ta mustra cu en caso e overtimenan raporta realmente ta wordo traha, esaki ta un situacion no desea y peligroso, tanto pa loke ta e ehercemento di  e rabou como e salud di e trahado. 

AO

For di e investigacion a mustra ademas cu AO, ta un problema mas grandi cu overtime den e aparato gubernamental. Na caminda pa e cambio di cultura, CAFt a establece por lo menos 8 recomendacion pa por yuda combati e problema aki. Lesa e recomendacionan y e rapport completo AKI. 

  

 

  • Encuesta riba registracion di union civil di pareha di mesun sexo

    Encuesta riba registracion di union civil di pareha di mesun sexo

    ORANJESTAD – E siman aki Corte a dicta riba un caso unda cu e ta mustra cu Gobierno di Aruba no ta actuando corecto door di tarda cu e proceso referente registracion di union civil di pareha di mesun sexo. Mientras cu e no por obliga gobierno pa actua, e ta mustra si cu door di tarda cu e asunto, gobierno ta actuando ilegal. Noticiacla.com kier sa di bo kico abo ta pensa riba e tema y a formula e siguiente encuesta riba e tema. Manera semper, e intencion ta pa haya informacion pa por usa pa un raportahe, y e informacion lo keda anonimo. Pa bo participa na e encuesta, click AKI. 

  • E ultimo pashent di COVID 19 di Aruba a bandona ICU awe

    E ultimo pashent di COVID 19 di Aruba a bandona ICU awe

    ORANJESTAD – E ultimo pashent cu tabata postivo pa Coronavirus COVID-19 Humberto Fuenmayor a sali awe di Cuido Intensivo y a pasa pa seccion regular di cuido na Horacio Oduber Hospital awe merdia. Esaki despues cu el a test negativo dos biaha y asina ta bira e ultimo pashent cu (pa awor) tabata activo. Hospital a traha un video cu un entrevista chikito pa celebra e momento aki cu e pashent a logra recupera di tal forma cu e no ta ‘positivo’ mas di e virus. 

  • Colegio Arubano ta cla pa ricibi su alumnonan dialuna

    Colegio Arubano ta cla pa ricibi su alumnonan dialuna

    ORANJESTAD – Colegio Arubano ta habri bek entrante 1 di juni proximo. E scol sinembargo no ta habri cu tur grupo pareu, considerando cu tin 1180 alumno cu no ta hacie examen. Como tal a opta pa habri e scol den fase. Cada un seccion tin su dia y orario specifico.  

  • Cruz Cora Aruba a entrega su di 10.000 cuminda cayente

    Cruz Cora Aruba a entrega su di 10.000 cuminda cayente

    ORANJESTAD ? Diahuebs, 28 di mei tabata un dia hopi special pa Cruz Cora Aruba, ya cu for di inicio di e Covid-19 Relief Operation cu a cuminsa e.o. entrega cuminda cayente na famianan cu mas mester di dje, ayera a yega un total d 10.000 cuminda cayente entrega.

  • Grupo di docente di Colegio Arubano a bandona reunion general como protesta

    Grupo di docente di Colegio Arubano a bandona reunion general como protesta

    ORANJESTAD – Un grupo di docente di Colegio Arubano a ‘walk out’ di un reunion general cu e tema di apertura di scol. For di informacion cu noticiacla tin, e docentenan a bandona ora cu miembro di Stichting Middelbaar Onderwijs Aruba (SMOA) Monica Kock a yega. E docentenan lo a pidie pa bandona e reunion. Nan lo a bise cu nan no ta papia cu SMOA. Despues e docentenan lo a bandona e sitio, ya cu nan lo no a haya oido di Kock. E docentenan a sigui pa edificio di SIMAR despues. Noticiacla.com a compronde cu despues cu e docentenan a bandona e scol, e reunion a continua normal. E portal aki a tuma contacto cu Monica Kock, cu a bisa e portal aki cu e ta prefera pa no duna comentario aworaki, y lo haci esaki despues. 

  • Oduber: Aruba ta COVID free awo cu ultimo pashent a test negativo

    Oduber: Aruba ta COVID free awo cu ultimo pashent a test negativo

    ORANJESTAD – Aruba ta COVID-19 Free. Asina minister di Turismo Dangui Oduber a anuncia diahuebs merdia riba su pagina di Facebook. Segun e mandatario di turismo, e ultimo pashent cu a keda (cu por cierto tabata den ICU), a test negativo pa e test y como tal ta considera cu awor Aruba ta sin persona cu tin e virus actualmente, esta active. Di otro banda tin ainda 158 persona cu ta den cuarentena y cu potencial pa haya e simptoma. De hecho na Corsou tin tres caso positivo, di personanan cu tabata den cuarentena. Tur tres ta personanan cu a bin di afo, y a bay den cuarentena. Esnan cu ta den cuarentena na Aruba, tur ta personanan cu a bin di afo recientemente. 

  • Powered by SETAR