IMF ta yuda investiga gastonan di personal di Gobierno

Posted on 11/8/2019 10:25 am AST | Updated on 11/8/2019 10:27 am AST

ORANJESTAD – Fondo Monetario Internacional (IMF) ta haci un investigacion di e gastonan di personal di Gobierno. Asina gobierno di Aruba a informa diabierna den un comunicado.  Esaki ta nifica cu  IMF ta asisti Aruba cu un investigacion di e gastonan relata na personal conoci como 'wage bill.' Esaki mirando cu gobierno segun su informacion, ta purbando di baha gastonan di personal, pa asina cumpli cu e peticion di e colegio di supervision financiero CAFt y asina evita un posibel ‘instruccion’. CAFt a recomenda un instruccion cu lo keda trata dia 22 di e luna aki den Rijksministerraad. Gobierno cu e intento aki, kier mustra cu nan ta haciendo tur cos pa logra e meta di e reduccion. 

REUNI

Den e periodo di dos siman IMF lo reuni cu diferente departamento di Gobierno y tambe instancia den sector priva pa asina por haya un bista di e gastonan di e aparato publico. Lo investiga e grandura y e dinamica di esaki pa indentifica kico ta locual ta crece e gastonan, haya bista den e compensacion y tambe den e trabou. Lo compara e aparato publico na esun di otro paisnan y tambe cu sector priva. Lo brinda un bista riba e maneho di e gastonan y lo indica e evolucion di e gastonan aki pa e añanan cu ta bin.

Na final IMF lo brinda un conseho na Gobierno riba e reformanan cu por tuma lugar pa asina por baha e gastonan relata na personal di e aparato publico.

  • Boardwalk a habri bek como un boutique Hotel

    Boardwalk a habri bek como un boutique Hotel

    PALM BEACH – Boardwalk a habri recientemente como un Boutique Hotel na Palm Beach. Hunto cu e doñonan, rumanan Kimberly and Stephanie Rooijakker (morocho), minister di turismo Dangui Oduber tambe tabata presente pa cortamento di e cinta, hunto cu CEO di AHATA y ATA. Despues di e ceremonia, e prome huespednan a yega, fo di Corsou. E hotel tin 32 casita nobo, riba e tereno antes conoci como Plantage Tromp, banda di e 14 casitanan conoci. Aserca nan tin un pool, gym, y un Café ‘intimo’. E inversion den e expansion di e propiedad ta di 10 miyon dollar y a dura 2 aña y mei usando contratistanan local. E hotel mes ta existi 30 aña caba y ta constantemente wordo husga como e #2 hotel riba Palm Beach segun TripAdvisor. For di 2011 e rumannan Rooijakkers ta maneha e propiedad hunto cu 20 persona local. Pa mas informacion por subi nan portal www.boardwalkaruba.com.

  • Utilities NV: Tin transparencia completo den negociación di préstamo cerca Elmar y WEB

    Utilities NV: Tin transparencia completo den negociación di préstamo cerca Elmar y WEB

    ORANJESTAD - Tin transparencia completo den negociación di préstamo cerca gerencianan di Utilities Aruba, Elmar y WEB. Asina e director interino di e compania Utilities, Richard Eman a informa pa medio di un comunicado diabierna. Utilities ta referi na e publicacion cu recientemente a sali di un club (vereniging) di trahadornan di WEB cu ta bin cuestiona e transparencia di un negociacion di préstamo. “E club aki no ta un sindicato pues no ta pas den nos structura di nos statuut” Eman ta sigui bisa. Ademas segun e director, Utilities ta mustra cu e préstamo aki ta un préstamo, consolida, pa Utilties Aruba, Elmar y WEB.

  • Inicio di Secrets Baby Beach Resort ta un hecho

    Inicio di Secrets Baby Beach Resort ta un hecho

    SEROE COLORADO - Hunto cu e desaroyadornan di e proyecto hotelero Secrets Baby Beach Resort, tres minister di Gabinete Wever Croes a efectua e 'groundbreaking' na Seroe Colorado diahuebs atardi laat. Manera noticiacla.com a raporta anteriormente, e proyecto ta poni pa finalisa fin di 2021,cu 600 camber all inclusive. 

  • BCA: Tin necesidad di fortalece inclusion financiero digital na Aruba

    BCA: Tin necesidad di fortalece inclusion financiero digital na Aruba

    ORANJESTAD  - Recientemente Banco Central di Aruba (BCA) a publica “Strengthening Digital Financial Inclusion in Aruba” den cual ta presenta resultado di un investigacion nacional tocante aceso, uso y calidad di servicionan financiero na Aruba. E rapport di investigacion ademas ta presenta un strategia integral consistiendo di diferente recomendacion pa fortalece inclusion financiero digital di Aruba.

  • AMResorts: Secrets Baby Beach Resort ta habri fin di 2021

    AMResorts: Secrets Baby Beach Resort ta habri fin di 2021

    NEWTOWN SQUARE, PA — E hotel pa San Nicolas cu awe ta tene su groundbreaking, Secrets Baby Beach Resorts, lo habri su portanan pa fin di 2021. Asina e compania cu a firma pa maneha e hotel,  AMResorts a anuncia internacionalmente diahuebs. Nan ta bisa cu e hotel di 600 camber pa adulto so, lo ta poni pa habri e ultimo cuartal di 2021. Asina Javier Coll, Executive Vice President and Chief Strategy Officer di ALG a declara. “E isla ta sigui ta den demanda halto, cu riba 1 miyon di bishitante tur aña y e aparicion di un mercado eco turismo luhoso mayor. E factornan aki, hunto cu e momentum general positivo di Caribe, ta duna nos hopi confiansa den e potencial a corto y largo plazo di e destinacion”. Mes momento a anuncia apertura di dos propiedad den Caribe, cu e debut di Dreams Curaçao Resort, Spa & Casino, y na St Maarten,  Secrets St. Martin Resort & Spa. Awe tardi 5’or e groundbreaking lo ta pa e propiedad di Aruba na Seroe Colorado. 

  • Na October ocupacion di hotel na Aruba a nivela y no a crece

    Na October ocupacion di hotel na Aruba a nivela y no a crece

    ORANJESTAD  - Na October ocupacion di hotel na Aruba a nivela y no a crece. Asina Aruba Hotel & Tourism Association (AHATA) a informa den un comunicado. Segun AHATA, nan ta acumula e cifranan di ocupacion y prijs di hotelnan tur luna, y pa luna di October 2019 e CEO di AHATA Tisa LaSorte a anuncia cu resultado di October ta mustra cu ocupacion a nivela y no a crece.

  • Powered by SETAR