Grupo di ‘zware jongens’ Venezolano a keda deporta pa Venezuela awe

ORANJESTAD – E grupo problematico di 11 persona Venezolano, considera como ‘zware jongens’ y ‘un meisje’, a keda deporta diahuebs merdia bek pa Venezuela. Asina informantenan for di Guardo Nos Costa (GNC) a confirma pa noticiacla.com. Ta trata di 10 homber y un muher, cu a causa e problema un anochi prome, y cu a resulta den un caso di huida di un otro persona indocumenta. E persona ey, aunke tambe Venezolano, no tin nada di haber cu e grupo ‘rebelde’,  entre nan e 8 nan cu a caba cumpli nan condena na KIA. Esun cu a huy, a wordo gara durante un entrada hudicial na Sabana Liber recientemente. Diabierna awor un otro grupo di ilegal lo keda deporta pa nan respectivo pais.