Philipine van Aanholt cu medaya di Oro pa Aruba

VERACRUZ - Diasabra mainta riba e playa di Hotel Camino Real, e entrega di premio den e deporte di sailing a tuma luga. Mas cu claro entre e premiadonan tabata presente e representante di Aruba, Philipine van Aanholt kende a ricibi su medaya di Oro. Manera nos a bisa anteriormente ya for di diahuebs un dia prome cu e final di e competencia den e disciplina di Laser Radial, Philipine van Aanholt a seya su victoria y su medaya mirando cu e contrincantenan mas cercano no por a yega e atleta originalmente di Corsou pero awo competiendo pa Aruba. E emocionnan tabata bisto cerca e propio Philipine y su tata Cor kende no por a contene su lagrimanan di alegria.

Esaki a bira e prome medaya pa Philipine van Aanholt den un wega grandi y mesora e ta corona su mes cu e medaya maximo. Cu otro palabra un prestacion di kita sombre.