Mayoria di scolnan cera na Hulanda debi na accion di maestro

AMSTERDAM – Maestronan na Hulanda ta den accion awe. Motibo ta cu nan kier structuralmente mas placa pa enseñansa pa asina por resolve problemanan constante. E welga a cuminsa cu un blokeo di e entrada di ministerio di enseñansa unda cu a pone 150 truck di coi hung. E accion tabata uno simbolico referiendo na e protesta di e agricultornan di luna pasa. Total di 80% di scolnan ta participa na e accion aki, y ta den henter e pais. A bisa cu si gobierno no bin cu placa structural,  e accion lo sigui. Mientrastanto gobierno a anuncia 450 miyon euro extra pa enseñansa pero segun e maestronan, esaki no ta suficiente.