ORANJESTAD – Despues di hopi anticipacion, awe diamars mainta 9’or, Watty Vos Boulevard a habri. Esaki a sosode cu un ceremonia di hala baricada na altura di entre otro Ling & Sons, unda cu representantenan di Mota Engil, gobierno DOW y otronan, a pusha e baricada cu ta cera e coneccion. For di e momento ey, trafico a cuminsa mobilisa rapidamente riba e 25 km extra y renoba cu Aruba a haya acerca.
EXTRA
Fuera di e 25 km, tin 13 rotonde nobo. Pa peaton y cyclista tin 25 km di area asigna pa cana y core bicicleta. For di rotonde di Sabana Blanco pa Punta Brabo ta 7 km di caminda nobo di dobbel via, 7 rotonde ydos viaducto cu a ser construi segun standard internacional y cu a haya nan certificacion. Pa un y tur por yega nan destinacion sigur y cu e trafico por sigui circula facil riba Watty VosBoulevard y e camindanan conecta; DOW y Cuerpo Policial ta informa: Watty Vos Boulevard, tin; enkel baan rotonde, twee baan rotonde, turbo rotonde y paperclip rotonde.
Trafico riba e caminda su velocidad ta di 80 kmph. Ora di yega rotonde mester baha velocidad di 80 kmph pa 60 kmph te cu 40 kmph, manera e borchinan di velocidad ta indica. Paga tino na e borchinan di trafico di duna preferencia, zebrapad y fietspad. Anticipa unda bo ta yegando pa asina bo sortia den e baanchi corecto cu ta hibabo den direcciondesea.? Contrario di crusadanan, unda automobilistanan tin cu duna preferencia na trafico na man drechi, na rotonde trafico tin cu paga tino y duna preferencia na trafico biniendo di banda robes prome cu subi e rotonde. Unabes cu ta ariba e rotonde, 40 kmph ta e velocidad maximo cu ta permiti. Luz di indicacion of sign-light tin cu wordo uza na momento cu ta bai sali for di e rotonde, dunatrafico bo tras y bo dilanti suficiente tempo pa wak den cua direccion bo ta bai saliManteniendo nos mes na e leynan di trafico tur hende ta yega nan destinacion sigur y contento uzandoWatty Vos Boulevard. Na e comunidad di Aruba pabien, ban maneha consciente y sigur na bienestar diun y tur. Un Mensahe di DOW Aruba y Korps Politie Aruba
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.