Organisadonan di ‘A chant for Hope’ contento cu e resultado inicial

 ORANJESTAD – Mientras cuHildward Croes mes ta na Colombia pa tratamento medico, su amigonan musical diadomingo a percura pa contruibo pa e gastonan medico keda cubri. Aunke cu no tabatin cifra pa comparti (ainda), organisadornan di e evento musical A chant for Hope ta considera e evento un exito. Segun e organisado Guissette Croes, hopi a wordo haci y logra pa su primo, musico conocido Hildward Croes, haya e fondonan necesario pa busca su salud den exterior. Un cantidad grandi di banda a presenta diadomingo gratuitamente pa toca pa esnan presente, mientras cu famia y amigonan tabata cana cu buzonan di Cruz Cora, colectando fondonan necesario. Bisti cu un t-shirt tipificando e operacion, tur tabata mobilisa constantemente pa yuda genera fondo. E publico for di 1 or di atardi a goza di un sin fin di musica, y mes momento a sa di aporta pa e fin aki. 

Segun Croes a conta durante un conferencia di prensa recien,  despues di a haya un dolor enorme den su lomba serca Hildward Croes a keda constata cu aña pasa no a logra elimina e cancer cu e tabatin anteriormente, por completo. E cancer a keda activo den su curpa. Despues di a manda tur informacion pa un colegio di specialista na Colombia a keda diagnostica cu Hildward mester viaha IMEDIATAMENTE unda cu tin un Organo di Specialista ta wardando riba dje. Pa e operacion ta exitoso, no ta aconsehabel pa Hildward tuma Chemo pa motibo cu esaki lo debilita su curpa di tal manera cu ta hasi un operacion cu awor ta prioridad, imposibel.

Pa e motibo aki su amigo, famia y coleganan, a bin cu e idea pa haci un recaudacion di fondo nacional pa Hildward. Meta ta pa 1. E por bay Colombia hasi e operacion aki di su lomba cu awor ta esun cardinal cu tin tur prioridad, pa despues Hildward bay Merca en busca di un sanacion total di e Cancer.

Mientrastanto, manera cu NoticiaCla.com a raporta recientemente, Hildward Croes a biaha diaranson anochi pa Colombia, pa busca su salud. Mientrastanto su amigonan y famia ta organisando e concierto grandi di diadomingo awor esta ‘A Chant for Hope’, 30 di november pa recauda fondo pa su salud. Manera su prima Guissette Croes a elabora e siman cu a pasa, Hildward ta den un situacion cu e mester bringa pa su bida ‘ayera’ y no por a warda mas. Como tal e la biaha pa Colombia pa haci e operacion necesario pa su lomba, den preparacion pa su biahe pa Merca. Diaranson anochi, cu un buelo di air ambulance, Hildward a biaha y ta prepara pa haci su operacion, y spera cu diadomingo awor, comunidad di Aruba sa di respalde den forma masal pa e logra haya fondo necesario pa e proximo operacionnan necesario cu e mester pa por tin sanacion completo di su malesa, cancer.