Gobierno di Aruba ta baha e interes di Aruba lening na 0%

Gobierno di Aruba ta baha e interes di Aruba lening na 0%

Posted on 11/5/2019 2:54 pm AST | Updated on 11/5/2019 2:56 pm AST

ORANJESTAD - Gobierno di Aruba ta baha e interes di Aruba lening na 0%. Asina minister di enseñansa Rudy Lampe a bisa e siman aki durante conferencia di prensa. Esaki ta un decision cu a ser tuma den Conseho di Minister y aproba pa bin na vigor entrante 1 di januari 2020. 

E ley aki lo ta aplicabel pa esnan cu ya caba tin un acuerdo firma cu Aruba y pa esnan cu ta bay pidi un prestamo den futuro. Aruba lo ofrece e fiansa aki na un interes di 0% haciendo esaki mas facil pa nos studiantenan por paga bek una bes nan caba di studia. Esaki sigur ta un bon noticia pa e comunidad di Aruba pero en especial pa esnan cu pa añanan caba ta luchando pa por caba di paga e lening aki. 

E decision aki a wordo tuma mirando cu Gabinete Wever-Croes ta considera estudio un parti esencial pa progreso di pais Aruba y bahando e interes di e Aruba lening pa 0% ta stimula nos hobennan mas ainda pa kier sigui studia ya cu na momento cu nan caba nan estudio e lening aki por wordo paga mas lihe. Esaki sigur ta wordo considera como un inversion den enseñana di Aruba y Gobierno ta spera cu tumando e decision aki por conduci na trece mas profesionalnan Arubano pa bin contribui na e economia di pais Aruba. 

  • DVG: Salud Mental na Aruba ta conose un direccion nobo

    DVG: Salud Mental na Aruba ta conose un direccion nobo

    ORANJESTAD - Minister di Turismo, Salud Publico y Deporte recientemente a presenta su vision pa cu salud mental na Aruba pa aña 2019-2024 na tur instancia cu ta traha riba tereno di salud mental y adiccion na Aruba.

  • Oduber: Baby Beach Waterfront ta prepara San Nicolas pa mas desaroyo turistico

    Oduber: Baby Beach Waterfront ta prepara San Nicolas pa mas desaroyo turistico

    SAN NICOLAS - Baby Beach Waterfront ta prepara San Nicolas pa mas desaroyo turistico. Esey ta pensametno di gobierno di Aruba. Dialuna anochi a tuma lugar e groundbreaking oficial di e Baby Beach Waterfront na Baby Beach. Tabata net 4 dia despues cu San Nicolas ta haya groundbreaking di su prome hotel y awor tabatin un groundbreaking pa un otro proyecto. Segun minister Dangui Oduber di turismo, e proyecto aki lo bay upgrade henter e area di Baby Beach pa asina prepara San Nicolas pa e desaroyo turistico cu ta na caminda. E proyecto di Baby Beach lo bay wordo ehecuta den 2 fase y ta un proyecto di 3.6 miyon florin. Fase1 lo tin un duracion di 8 luna, asina cu fase 1 termina lo cuminsa dibiaha cu fase 2.

  • Aruba awor ta prohibi uso di articulo di plastic di un solo uso y styrofoam

    Aruba awor ta prohibi uso di articulo di plastic di un solo uso y styrofoam

    ORANJESTAD – Parlamento a pasa e ley unanimamente cu ta prohibi uso di articulo di plastic d iun solo uso y styrofoam y tambe oxybenzone. E ley aki ta na beneficio di nos medio ambiente y salud di e ser humano. Conforme un Landsbesluit cu lo mester wordo finalisa prome cu 2020, lo prohibi e productonan di mas basico cu ta perhudica den den cantidad grandi, nos medio ambiente. Manera cups, forki di plastic, tayonan, styrofoam box, straw di plastic y mas. Oxybenzone como un ingrediente presente den sunblock tin gran efecto negativo riba nos bida marino, specialmente nos coralnan. Si considera mitar di e totalidad di 1.7 miyon turista cu ta bishita nos isla anualmente, por imagina e impacto dañino cu esaki tin  

  • Wever: Danki na companianan estatal, no mester introduci sugar tax

    Wever: Danki na companianan estatal, no mester introduci sugar tax

    ORANJESTAD – Danki na companianan estatal di Aruba manera Utilities Aruba NV, Setar Aruba NV, ATA Sui Generis pero tambe na  Banco Central, cu gobierno a logra cera e presupuesto 2020 sin cu mester a aumenta BBO Y of introduci Sugar tax. Asina prome minister di Aruba Evelyn Wever Croes a splica Noticiacla.com dialuna durante conferencia di prensa. Cada un di e instancianan menciona a compromete cu contribucion extra substancialmente pa 2020, cu no ta necesario introduci otro medida. 

  • Gobierno di Aruba dispuesto pa hinca SCP den presupuesto

    Gobierno di Aruba dispuesto pa hinca SCP den presupuesto

    ORANJESTAD – Gobierno ta dispuesto pa 2020 hinca e crisis plan social den presupuesto envez di separa, pa complace Hulanda. “Asina leu nos a bay”, Wever a bisa cu nan a bisa Hulanda pa asina mustra nan buena boluntad contal cu Hulanda no duna Aruba un aanwijzing. E aanwijzing ta basa riba dos punto cu ta e gastonan di personal y tambe e impuestonan cu lo no ta necesario segun Hulanda. Hulanda no kier wak e SCP pafo di presupuesto, y gobierno kier tene separa. No cumpliendo cu Hulanda, lo por conduci den un aanwijzing. Algo cu Aruba kier evita cu e pasonan menciona.  

  • Oduber: Argumento di Daphne Lejuez riba afvalstofheffing ta robez

    Oduber: Argumento di Daphne Lejuez riba afvalstofheffing ta robez

    ORANJESTAD – E ponencianan cu parlamentario (awor) independiente Daphne Lejuez a trece recientemente como argumento pakico e ley di Serlimar no ta bon, no ta cuadra. Asina minister di medio ambiente Otmar Oduber a bisa, den su prome reaccion directo riba e tema di retiro di Lejuez. Oduber a usa varios argumento, algun hopi personal, pero tambe partinan legal cu Lejuez a husa pa hustifica su desacuerdo. Ta trata di e asina yama ‘afvalstoffenverordening’ cu lo no tey, pa cual  segun Lejuez, dificilmente bo por tin un afvalstof heffing (cobransa), y sigur no pa Serlimar. Oduber a refuta e argumento aki dialuna. 

  • aruba airlines
  • w.creek.3
  • Powered by SETAR