- Presion di CAFt a pone gobierno kita 16 miyon pa RWZI di e prespuesto
- Presentadora di television Hulandes a tende di su Condecoracion Real mientras cu e ta na Aruba
- Condecoradonan a ricibi nan ‘cinta’ pa nan esfuerso y dedicacion boluntario na pais Aruba
- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
Blackout dialuna tabata sla formal pa Corsou
WILLEMSTAD - For di ayera mainta, algu prome cu 10 or a surgi interupcion den e sistema di coriente na Aqualectra cu a laga Corsou den scuridad total. A resulta cu tabata un corto circuito na CRU a causa e problema cerca Aqualectra, cu na su turno no por a entrega e coriente necesario na comunidad.
Esaki tabata un sla formal pa Corsou segun matutino Extra. For di mainta ya diferente empresa a dicidí di cera mirando cu e pronostico di Aqualectra tabata cu coriente lo a keda restablece sigur 6 ora despues. Negoshinan a bira keto, cayanan tabata keto keto y tur hende a coi caminda di cas pa mira kico nan or scapa ainda den frigidaire.
Te cu awe marduga prome cu EXTRA a bay imprenta ainda mayoria bario no tabatin coriente. Y esnan cu tabata haya coriente mes esaki tabata bay bin. E coriente ta bin un rato y despues ta bay pa bolbe bin un rato.
Gobierno di su parti a anuncia cu skolnan lo ta cera awe, ya cu e situacion ta mucho mas serio cu hopi a kere. Financieramente esaki tabata un sla duru pa Corsou completo. No ta sigur cu awe mainta e negoshinan cu a cera nan porta ayera mainta lo por habri bek.
Ta di spera cu awe den curso di dia lo por logra restablece coriente pa Corsou completo. Di parti di Refineria di Korsou y CRU nan a anuncia cu lo cuminsa un investigacion pa determina dicon e corto circuito y pa evita cu den futuro algu asina aki lo ripití.
Cortesia EXTRA.
Cantidad di hende condecora na Corsou ta hopi menos cu Aruba e aña aki
WILLEMSTAD – Mientras cu e biaha aki tabatin 12 condecoracion mas cu aña pasa (42 compara cu 30 aña pasa) riba e islanan di Reino Hulandes, e isla tin hopi mas hende y den tamaño tambe ta cuater biaha mas grandi cu Aruba, Corsou tabatin ‘apenas’ 8 ciudadano cu a haya Condecoracion Real, compara cu Aruba, cu a haya 18. Na Hulanda tabatin 3333 persona cu a haya condecoracion.
E ferry entre Venezuela y Corsou ta cuminsa opera fin di 2024
CARACAS – E plannan pa activa e ruta di ferry entre La Vela de Coro y isla di Corsou, ta sigui, pero tin un retraso temporal den su ehecucion. Asina e representante di e empresa Caribbean Fast Ferry, Iliana Martínez, a declara diahuebs na e portal El Nuevo Dia. E empresa a cuminsa cu e construccion di e waf y terminal na e zona franca di Corsou, pero un restructuracion di e empresa Hulandes a alarga e culminacion di e trabou. No obstante esey, ta premira cu pa e di tres of cuater trimester di e aña, ta inaugural e ferry. Martínez a splica cu e disposicion di e waf na e boca di Santa Ana a keda estableci pa probecha e bentaha di e mercado y cu ambos pais lo beneficia. E intencion ta pa compete cu e prijsnan di Panama. A splica cu ora cu caba completa e prome fase, cu ta construccion di e haf, lo sigui e proceso di permisonan necesario. E di tres fase lo ta pa eleva Parlamento di Corsou pa e apertura di mobilisacion di e pasaheronan. Ta premira cu e intencion ta pa e ferry transporta 86 pasahero. E intencion di e prome fase ta pa transporta solamente pawsahero, sin auto, pa despues tambe inclui auto. E intencion ta pa permiti turistanan Hulandes, cu ta bin pa temporada largo, pa duna nan e posibilidad pa bishita Venezuela asina tambe.
Gobierno na Corsou kier solucion pa situacion di calor no perhudica muchanan na scol proximamente
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
Helicopter y avionnan nobo di Wardacosta Caribe Hulandes ta operacional
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Follow NoticiaCla
