Sindicatonan ta topa gobierno awe atrobe pa indexering

Sindicatonan ta topa gobierno awe atrobe pa indexering

Posted on 11/5/2019 10:20 am AST | Updated on 11/5/2019 10:25 am AST

ORANJESTAD – E grupo di sindicato SEPPA, SPA, SIMAR, SADA y TOPA cu ta purbando pa haya pago di indexering for di gobierno, lo topa gobierno pa di dos biaha diamars mainta pa ricibi un di ‘dos’ propuesta di parti di gobierno. Esaki despues cu e prome proposicion di gobierno a keda unanimamente rechasa pa e sindicatonan en cuestion. E pensamento di sindicatonan ta pa awe diamars mainta haya un proposicion cu ta realistico, sino sindicatonan ta determina pa tuma accion den nomber di nan miembronan. 

E PROME  OFERTA

E prome oferta ofreci pa gobierno a papia di un aumento di 0.6% di e voorjaars, najaars y reparatie premie. Hunto esaki ta acumula na 303 florin pa aña pa cada trahado. Ambtenaarnan lo haya liber riba nan cumpleaños. Si nan dia liber cay riba un dia liber caba, e siguiente dia ta bira liber pa nan. Pero pa enseñansa esaki ta bira mas dificil, pues esaki ta cambia pa un dia di enseñansa cu ta acompla na e hersftvacantie. Acerca, gobierno kier purba un areglo pa pensioen delanta pa trabounan extra duro. Tambe un flexibilisacion di acuerdonan di trabou unda cu un part time por bira un opcion. 

REACCION

E prome reaccion di e sindicatonan no tabata mucho entusiasma. “E no tabata mucho denderend’ e lider sindical di SIMAR, Josephine Albertus a bisa e portal aki ora cu nan a ricibie. Anochi nan a reuni den nan seno y a rechasa e oferta formalmente. Otroo sindicatonan tambe a rechasa e oferta.  

OTRO CHENS

E grupo di sindicato despues a duna gobierno te diabierna siman pasa pa presenta un propuesta nobo, uno ‘realistico’ pa cu pago di indexering. Asina e sindicatonan a manda bisa gobierno diamars siman pasa den un carta cu ta den poder di noticiacla.com. E sindicatonan ta haci mencion di tres punto. E prome ta unda cu nan ta ‘rechasa e prome oferta categoricamente’, mientras cu e di dos ta cu nan punto di salida ta keda 3.6% y cu nan kier algo ‘realistico’, y finalmente, e proposicion mester tabata cla pa diabierna pa nan por cuminsa negosha diabierna mes. Pero esaki no a keda cla y sindicatonan a haya un cita nobo pa awe diamars mainta 11’or.

 

 

 

  • DIMP tin fecha pa acepta pago di impuesto di vehiculo di motor 2020

    DIMP tin fecha pa acepta pago di impuesto di vehiculo di motor 2020

    ORANJESTAD – Dia 16 di december proximo, Departamento di Impuesto ta cuminsa acepta pago di impuesto di vehiculo di motor di an?a 2020. E clientenan cu tin un number di e categorianan A, TX, DT, B, O, MFA of V por scoge pa paga e impuesto den un of dos biaha. Por lo menos e prome mita di e impuesto pa tur categoria mester ta paga no mas laat cu dia 31 di januari 2020. E clientenan cu tin number personalisa y e motociclistanan mester paga e impuesto den un solo biaha.

  • Fecha pa entrega e declaracion definitivo di winstbelasting 2018 ta conoci

    Fecha pa entrega e declaracion definitivo di winstbelasting 2018 ta conoci

    ORANJESTAD – Dialuna, dia 9 di december 2019, ta e ultimo dia cu por entrega e declaracion definitivo di winstbelasting 2018 y haci e pago corespondiente. Di acuerdo cu ley, no tin mas prolongacion di termino.

  • Aruba mercadea como ‘escape’ pa Mericanonan di e locura electoral

    Aruba mercadea como ‘escape’ pa Mericanonan di e locura electoral

    ORANJESTAD – Oficina di turismo, den loke ta un otro ‘gimmick’, ta ofreciendo turistanan potencial Mericano pa sali di e locura di eleccion presidencial Mericano y pa bin disfruta di e beachnan trankil di Aruba. A desaroya e campaña aki, pa asina haya e grupo Mericano cu no kier tin nada di haber cu e locura politico of cu kier un ‘trankilidad’ di tur esey, net prome cu e eleccion presidencial. Otro aña tin eleccion presidencial na Merca y segun ATA, aunke cu falta un aña ainda pa e eleccion, Mericanonan ta ‘ansioso’ caba no obstante ki direccion nan kier vota. Y aki ta unda cu ATA ta ofrece pa nan ‘desconecta’ y bin Aruba. 

  • Wever: A ofrece sindicatonan 30 florin envez di 101 pa indexering

    Wever: A ofrece sindicatonan 30 florin envez di 101 pa indexering

    ORANJESTAD – E unico espacio cu gobierno di Aruba tabatin den presupuesto 2020 pa sindicatonan cu kier indexering, ta 30 florin, envez di e suma original di 300 florin extra pa luna, cu despues sindicatonan a baha te na 101 florin. Sindicatonan mientrastanto ta sinta den nan seno dialuna pa dicidi riba e oferta. Premier Wever dialuna mainta a mustra cu nan mester a evalua e situacion financiero di 100 mil hende contra 5 mil empleado publico. Y asina nan a bin logra haya e suma aki di 30 florin cu nan ta spera cu sindicatonan lo acepta. 

  • Boardwalk a habri bek como un boutique Hotel

    Boardwalk a habri bek como un boutique Hotel

    PALM BEACH – Boardwalk a habri recientemente como un Boutique Hotel na Palm Beach. Hunto cu e doñonan, rumanan Kimberly and Stephanie Rooijakker (morocho), minister di turismo Dangui Oduber tambe tabata presente pa cortamento di e cinta, hunto cu CEO di AHATA y ATA. Despues di e ceremonia, e prome huespednan a yega, fo di Corsou. E hotel tin 32 casita nobo, riba e tereno antes conoci como Plantage Tromp, banda di e 14 casitanan conoci. Aserca nan tin un pool, gym, y un Café ‘intimo’. E inversion den e expansion di e propiedad ta di 10 miyon dollar y a dura 2 aña y mei usando contratistanan local. E hotel mes ta existi 30 aña caba y ta constantemente wordo husga como e #2 hotel riba Palm Beach segun TripAdvisor. For di 2011 e rumannan Rooijakkers ta maneha e propiedad hunto cu 20 persona local. Pa mas informacion por subi nan portal www.boardwalkaruba.com.

  • Utilities NV: Tin transparencia completo den negociación di préstamo cerca Elmar y WEB

    Utilities NV: Tin transparencia completo den negociación di préstamo cerca Elmar y WEB

    ORANJESTAD - Tin transparencia completo den negociación di préstamo cerca gerencianan di Utilities Aruba, Elmar y WEB. Asina e director interino di e compania Utilities, Richard Eman a informa pa medio di un comunicado diabierna. Utilities ta referi na e publicacion cu recientemente a sali di un club (vereniging) di trahadornan di WEB cu ta bin cuestiona e transparencia di un negociacion di préstamo. “E club aki no ta un sindicato pues no ta pas den nos structura di nos statuut” Eman ta sigui bisa. Ademas segun e director, Utilities ta mustra cu e préstamo aki ta un préstamo, consolida, pa Utilties Aruba, Elmar y WEB.

  • Powered by SETAR