SMAC a lansa e logo oficial di Aruba su Carnaval

SMAC a lansa e logo oficial di Aruba su Carnaval

Posted on 11/5/2019 8:52 am AST | Updated on 11/5/2019 8:53 am AST

ORANJESTAD - Dialuna anochi, durante e prome rueda di prensa di e board nobo di fundacion cu ta maneha carnaval di Aruba, Stichting Maneho di Aruba su Carnaval (SMAC), a keda lansa e logo di Aruba su Carnaval. Segun e fundacion, nunca antes den historia di Carnaval, esaki tabata tin su propio identidad. Por tuma nota cu tur aña ta lansa un logo nobo, hunto cu su slogan, cua ta coresponde na e respectivo aña. E aña aki, Stichting Maneho di Aruba su Carnaval a tuma su tempo, y a reuni y a dicidi cu a bira tempo pa cambia esaki. CON E LOGO DI ARUBA SU CARNAVAL A NACE?

Durante prome reunion di Board di SMAC, fecha 7 October 2019, tur miembro a bai unanimamente di acuerdo cu lo bai cambia strategia di promove nos Carnaval. Desde comienso, a sea promove SAC y durante e ultimo 5 aña nan a bin ta promove SMAC. Pero en realidad e producto cu ta ser presenta ta e Carnaval di Aruba.

Pa splika un tiki, a hasi e pregunta kiko tur nos lo kier wak den e logo di Carnaval. Nos kier wak pluma, nos kier wak notanan musical, kiko precies nos kier? Semper teniendo algún aspecto hopi importante den mente: e mester ta un diseño cu ta relata cu Aruba, e mester ta colorido, e mester briya, ya cu nos Carnaval ta uno luhoso y brillante. Pero principalmente cu e mester bira uno comercial y uno fasilmente reconoci pa esnan eyfor, internacionalmente, turista y participantenan cu nos kier laga será conocí cu nos Carnaval. Nos Vice - presidente, Darren Van Ommeren, no a perde pa gana y a cuminsa menciona su idea y ne otro banda di mesa, Zuleika Wever, a pasa man cu un pida papel blanco y aan de hand cu Darren ta splikando, Zuleika ta pinta. Riba un di e potretnan boso por tuma nota kiko a ser poni riba papel e anochi aki, cual después a wordo pasa na nos designer, Mitch Almary di Final Format, pa pone su toke artístico na e logo. 

DESCRIPCION

Poniendo énfasis riba nos isla Aruba, nos a scohe pa usa e siloueta di Aruba como e background di e design. E anker y e lighthouse ta simbolisa cu nos Carnaval ta wordo celebra di punta pariba te punta pabao di Aruba, es decir henter e isla ta participa na e celebración cultural aki. Nos strea, cual ta simbolisa un parti di nos bandera, cu su rand blanco pa refleja nos santo blanco bunita di nos beachnan. Pa resalta e luho y fantasía di color, di cada aspecto cu ta wordo usa riba flota of trahe di nos participantenan, boso por ripara cu e letter nan di Carnival ta refleha esaki. No únicamente na e variación di color sino e cu ta briya

SLOGAN

Pa termina, con SMAC a jega na slogan “Celebration of Cultures” pa e logo, nos a hasi e pregunta: kiko semper ta resalta den nos Carnaval? Aki ta unda cu otro dos miembro, esta Ivor Lee y Jason Brown, e remarca cu e ta un celebración di diferente cultura na Aruba. No ta importa niun aspecto, gusto of decision personal di un persona, nos  Carnaval ta jama Bon Bini na cada un cu kier aporta na engrandese Aruba su Carnaval

 

  • Rotary Club Aruba ta hasi un total di AWG 264.000,- na donacion

    Rotary Club Aruba ta hasi un total di AWG 264.000,- na donacion

    ORANJESTAD - Siman pasa a tuma lugar e sorteo di e grandioso rifa di Rotary Club Aruba. Apesar di e situacion cu nos isla ta pasando aden y mirando cu e feria di Fiesta Rotaria mes no a bai door e aña aki, toch e benta di rifa a bai hopi mas mihor cu Rotary Club Aruba a spera, danki na e sosten masal di e comunidad di Aruba. 

  • MetaCorp cu donacion di articulonan di baby na FPNC

    MetaCorp cu donacion di articulonan di baby na FPNC

    ORANJESTAD - MetaCorp a comberti den un berdadero “partner strategico” di Fundacion Pa Nos Comunidad (FPNC), den nan esfuerso pa brinda sosten y ayudo na esunnan den mas necesidad actualmente dor di e pandemia. Eddie de Veer di MetaCorp tabata na Centro Kibrahacha pa entrega un cargacion grandi di productonan pa baby, un necesidad urgente pa e fundacion. FPNC tabatin falta di productonan di baby pa por yuda clientenan den necesidad. 

  • SMAC a sugeri pa carnaval di Aruba otro aña tuma lugar na juli

    SMAC a sugeri pa carnaval di Aruba otro aña tuma lugar na juli

    ORANJESTAD – Tin posibilidad cu Carnaval (67) 2021 lo no tuma lugar entre januari cu februari 2021 pero te na juli. Segun presidente di SMAC Jason Brown a splica noticiacla.com diahuebs, esey ta e intencion tentativo. E motibo principal ta e situacion di COVID-19, y tambe e ta duna mas chens pa promove carnaval vooral pa muchanan cu ta liber. Minister di Cultura Xiomara Maduro mientrastanto a confirma na e portal akicu e no tin problema cu e idea aki y ta sostene esaki. “Ta SMAC tin cu dicidi”, e mandatario a bisa e portal aki. A reuni ayera cu SMAC ayera unda cu e idea a bin dilanti. Tin cu bay reuni cu e gruponan di carnaval cu lo tin cu duna nan input riba e idea aki. 

  • Kiwanis Club of Aruba a hasi donacion na KPA

    Kiwanis Club of Aruba a hasi donacion na KPA

    ORANJESTAD - Recientemente e miembronan di Kiwanis Club of Aruba a haci un bishita na warda di Polis na districto di Oranjestad unda a reuni cu Chef di Districto di Oranjestad Mr. Alvin Molina, Vocero suplente di Cuerpo Policial Aruba Sra. Liliana Rasmijn, Sra Janine Rodriguez di “Slachtoffer Hulp” y Coordinador di Jeugd en Zeden Politie (JZP) Sr. Eric Barry. E bishita a bai den un ambiente ameno y teniendo na cuenta e protocol di distanciamento social. Entre e topiconan cu a elabora riba dje tabata e ultimo desaroyonan relaciona cu e trabou di polis, crimen y abuso di mucha como tambe con Cuerpo Policial Aruba ta mantene ordo publico y seguridad na Aruba. Despues di e reunion a ricibi un “tour” di e warda di Polis y a bishita diferente departamentonan.

  • Tur cos ta cla pa sorteo di rifa di Rotary Club Aruba diasabra

    Tur cos ta cla pa sorteo di rifa di Rotary Club Aruba diasabra

    ORANJESTAD - E miembro nan di Rotary Club Aruba ta cla cu tur preparacion pa e sorteo di rifa cual lo tuma lugar diasabra awor, 20 di juni 2020. Pa evita aglomeracion e sorteo aki lo tuma lugar den un manera “live” via nan Facebook page. E sorteo di rifa lo ta pa 5:00PM den presencia di un notario. Benta di rifa a cuminsa desde januari caba. Y por a mira miembronan di Rotary Club Aruba durante parada nan di Carnaval promoviendo esaki grandemente. Door di e iniciativa nan aki e benta di e rifa a bai toch positivo. 

  • Canal 90 FM a haya mas voto den encuesta di noticiacla.com

    Canal 90 FM a haya mas voto den encuesta di noticiacla.com

    ORANJESTAD - Oficialmente Aruba tin 19 radio emisora activo registra na Directie Telecomunicatie Zaken (DTZ). Entre nan, esnan cu a participa na e encuesta, a saca nan preferi. Mester bisa si cu aki por a scohe mas cu un, ya cu bo por tin mas cu un faborito. Asina mes, obviamente tin cu a haya mas cu otro. Noticiacla.com ta raporta den e articulo aki e top 10, pero tin e grafico di tur cu a participa y nan porcentahe. 

  • Powered by SETAR