Cruz Cora ta habri su porta na San Nicolas

Posted on 11/4/2019 2:15 pm AST | Updated on 11/4/2019 2:15 pm AST

SAN NICOLAS - Diadomingo, 3 di november tabata un dia masha special pa Cruz Cora Aruba. Despues di evalua e necesidad di comunidad y tambe con esaki lo yuda  cu logística pa e organizacion, a dicidi di habri un sucursal na San Nicolas. Pa hopi aña e edificio di Mourik na Lagoweg a fungi como post di Carnaval pa Cruz Cora, y awor ta e adres tambe pa e sucursal nobo, esta Lagoweg 36.

Despues di un bunita apertura haci pa ex-Gobernador, Sr. Fredis Refunjol cu a tuma lugar 11’or di mainta, publico por a pasa di bishita, haña un tour di e sucursal y conoce e servicionan cu lo brinda comunidad, manera ayudo social, cursonan di prome auxilio, charlanan pa gruponan. Pero tambe e sucursal aki ta ekipa cu material pa cualkier calamidad, asina yuda cu e parti logistico pa por traha den areanan afecta si tin un yobida fuerte, horcan of otro calamdidad, saliendo for di San Nicolas.

E sucursal aki lo ta habri riba diamars, diaranzon y diahuebs di 8’or pa 4’or na comienzo pa wak con e ta funciona. E telefon di e sucursal na San Nicolas ta 588 4004 y e-mail ta keda central [email protected]

  • Powered by SETAR