Fraccionan den Parlamento a dicidi cu Benny Sevinger (AVP) no ta bay Parlatino

ORANJESTAD – Fraccionan den Parlamento a dicidi cu parlamentario Benny Sevinger (AVP) no ta biaha pa reunionan Parlatino.  Presidente di parlamento Ady Thijsen a confirma esaki pa noticiacla.com, cu ta den comision central a tuma e decision segun e conseho di comision asuntonan domestico (commissie huishoudelijke aangelegenheden, CHA). Aki ta e fraccionan a dicidi. Pues e coleganan a vocifera loke nan a dicidi den e reunion di commission central. Esaki pasobra den comision central e fraccion nan ta dicidi. E motibo ta e status actual di e parlamentaro en cuestion, esta cu e ta oficialmente un sospechoso den un caso penal riba cual tin un investigacion andando aworaki, esta caso Avestruz. Formalmente, no tin ley cu ta prohibi un parlamento biaha si e ta un sospechoso. Pero den e caso aki, fraccionan a bin hunto y a atende e tema cu e resultado conoci.