Laclé-Diaz: Resultado di paptest awor ta reduci di 6 siman pa 5 dia

ORANJESTAD – Si antes un resultado di un paptest tabata dura 6 siman, esaki awor ta posibel den 5 dia. Asina e teamleider Patologie Cyrielle Laclé-Diaz a bisa durante un conferencia di prensa. Esaki ta danki na ekiponan cu nan a adkeri y cu ta haci e trabou mucho mas facil y liher. E ta un proceso segun Laclé cu a cuminsa na 2017 y cu awor poco poco a keda cla y cu nan por a estrena. Tur esaki awor ta ubica den e New Bed Tower, y ta un inversion di por lo menos 3 miyon dollar. Esaki ta haci cu e servicio ta mucho mas eficiente, y tambe por haci mucho mas cu e pruebanan. Tur pashent, awor por ta sigur cu nan test ta sigur, y cu no tin ningun duda riba esaki.