Knops a keda huramenta temporalmente como minister

Knops a keda huramenta temporalmente como minister

Posted on 11/1/2019 10:46 am AST | Updated on 11/1/2019 10:51 am AST

DEN HAAG – Secretario di estado Hulandes Raymond Knops a keda huramenta awe mainta como minister temporal di Asunonan Interno y Reino Hulandes pa Rey Willem Alexander. Esaki debi cu minister Kajsa Ollongren ta retira temporalmente pa atende cu su malesa cu e tin. Hunto cu Knops, secretario di estado Stientje Veldhoven tambe a bira minister temporalmente. Ollomgren ta malo basta tempo y despues di un operacion na su cara, su recuperacion a trece complicacion cu ne pa cual ta rekeri tratamento. E minister como tal ta keda reemplaza pa periodo di e recuperacion. Ta premira cu e periodo aki lo dura te despues di receso di pasco. 

MAS CAMBIO

Tin mas cambio manera cu Bijleveld (defensa) ta haya encargo di AIVD y Koolmees ta bira vice premier. Asina cu Ollongren recupera, e ta haya su funcion bek y tur otro posicion ta cambia bek.  

 

 

 

 

  • Prome Minister a reuni cu Comision di Reino di Tweede Kamer

    Prome Minister a reuni cu Comision di Reino di Tweede Kamer

    DEN HAAG - Diaranson, Prome Minister Evelyn Wever-Croes tawata tin su prome reunionnan na Hulanda bou di su mesun peticion pa asina e haya e oportunidad pa splica tocante e situacion financiero di nos pais. Prome Minsiter a reuni cu e Comision di Reino di Tweede Kamer. Tawata presente e Voorzitter Paternotte, sr. Bosman, sr. Van Raak, sra. Antje Diertens, sra. Kuiken y sr. Bisschop.

  • Hulanda ta aumenta sueldo minimo na Caribe Hulandes na 2020

    Hulanda ta aumenta sueldo minimo na Caribe Hulandes na 2020

    DEN HAAG- Gobierno Hulandes a anuncia aumento di sueldo minimo na Caribe Hulandes entrante 1 di januari 2020. Bonaire ta conoce aumento cu 6.2%, Saba 5.3%, y Statia cu 2.7%. Cu esaki e uitkering tambe ta subi. Mayornan y cuidadornan, ta haya despues di un aumento di 50% e aña aki, aun mas kinderbijslag. Nan lo haya cada luna 20 dollar extra. Na 2020 mayornan ta haya na Bonaire 83 dollar pa mucha, y pa Saba y Statia e suma aki ta bira 84 y 85 dollar respectivamente. 

  • FD: Por lo menos 13 biyon euro ta wordo ‘laba’ via Hulanda anualmente

    FD: Por lo menos 13 biyon euro ta wordo ‘laba’ via Hulanda anualmente

    UTRECHT – Por lo menos 13 biyon euro ta wordo ‘laba’ via Hulanda riba un base annual, cu mayoria di e placa biniendo di companianan criminal, segun un investigacion recien cu e portal Hulandes Fiancieel Dagblad a publica e siman aki. E professor di Utrecht University  Brigitte Unger a estima cu mitar di e 16 biyon genera pa crimen na Hulanda, ta wordo laba via institucionan Hulandes, y e resto, 5 biyon mas of menos ta bin di afo. Esaki segun FB, ta mustra cu Hulanda no ta mes popular cu hende ta bisa di ta pa loke ta labamento di placa. Por ehempel si 13 biyon euro ta zona hopi, tene na cuenta cu na Inglatera y Merca como 40 biyon euro ta wordo laba anualmente.  Esaki ta representa 40% di e total cu ta wordo ‘laba’ via e 36 paisnan miembro di Organisacion pa Cooperacion y Desaroyo Economico, esta  OECD. E placa laba na Hulanda ta bon pa 1.6% di e PIB di Hulanda. E team di e professor a bisa cu e y su ekipo tabatin acceso na informacion hopi confidencial policial, ministerio publico y di impuesto, pa asina nan por a conduci nan investigacion. Ademas nan a haya informacion di transaccionan sospechoso di banco y casinonan. Mas tempran e aña aki, e asina yama Organized Crime and Corruption Reporting Project a raporta di un operacion di labamento di placa cu a move biyones di euro for di Russia di cual casi 1 biyon a yega Hulanda. Y na September, ABN Amro a confirma cu ministerio publico di Hulanda a lansa un investigacion criminal riba e banco. ING tambe a haya multa di 775 miyon pa no cumpli corectametne cu e reglanan di labamento di placa. Fuente: Dutchnews.nl. Potret cortesia Politie.nl

  • Knops: Wever mester (continua) formula (su mes) cuidadosamente den futuro

    Knops: Wever mester (continua) formula (su mes) cuidadosamente den futuro

    ORANJESTAD – Prome Minister di Aruba Evelyn Wever mester (continua) formula (su mes) cuidadosamente den futuro y tene su mes na hechos (solamente). Sigur pa loke ta e relacion cu Hulanda. Asina minister Hulandes Raymond Knops a bisa Wever recientemente, segun un carta cu el a manda pa Tweede Kamer dialuna, y cu ta den poder di noticiacla.com. Knops ta referi na e ‘episodio’ cu a surgi despues di un entrevista di Wever den e programa Noticiacla LIVE luna pasa. Wever, dunando Knops un clarificacion riba peticion di e mandatario Hulandes, a sigura e mandatario Hulandes cu e corant (di Corsou) a cit’e robez den un articulo cu ta basa su mes riba e programa menciona. 

  • Update: Alarma di posibel secuestro di avion na Schiphol tabata falso

    Update: Alarma di posibel secuestro di avion na Schiphol tabata falso

    SCHIPHOL – E melding di un secuestro di un avion na Schiphol mas tempran, a resulta di ta alarma falso. Segun e aeroliña Air Europa, a activa e alarma pa ekibocacion. “Nada no a pasa” e compania a bisa riba twitter. Loke a pasa ta cu e capitan tabata splica kico tur e codigonan tabata kier men y pa ekibocacion a manda e codigo ey. No ta cu tin un conopi cu ta primi cu ta activa e alarma, sino un mensahe verbal. Ora cu e alarma a wordo bati, a mobilisa henter un arsenal di autoridad mesora cu a paralisa parti di e aeropuerto diaranson anochi, ora di Hulanda. 

  • Posibel secuestro di avion tumando lugar na Schiphol na Hulanda

    Posibel secuestro di avion tumando lugar na Schiphol na Hulanda

    SCHIPHOL – Na aeropuerto Schiphol na Hulanda tin posiblemente un secuestro di avion tumando lugar segun fuentenan di marechaussee ta raporta. Durante boarding di avion, e capitan di e avion lo a primi boton di secuestro. No ta conoci si ta algo terorista. Ta trata posiblemente di 3 hende cu cuchiu den un avion B737. Tin 27 pasahero abordo. Mientrastanto parti di e aeropuerto ta wordo evacua y tin autonan cu bentana getint moviendo pa gate D5. Mientrastanto un piloto den cabina di un otro avion a bisa cu tin prohibicion pa start avion pa henter e pier D y un parti di pier E. 

  • Powered by SETAR