Grupo Gilinski ta cumpra First Caribbean International Bank

LONDON  – E grupo financiero podero conoci como Grupo Gilinski, lidera pa e Colombiano Jaime Gilinski, ta cumpra First Caribbean International Bank, cu tin un filial na Aruba tambe. Cu esaki e ta cumpra e banco mas grandi den Caribe cu presencia den 16 pais den Caribe incluyendo Aruba. Su sede ta na Barbados, pero e tin sucursal na   Antigua, Aruba, Bahamas, Caiman Island, Corsou, Dominica, y St Maarten entre algun. Den e region aki, e banco ta conta cu mas di 2.700 empleado, 57 sucursal di servicio completo, 7 oficina di banco internacional y mucho mas. 

KEN TA E DOÑO

E doño di Grupo Gilinski, ta e Colombiano Jaime Gilinski cu segun e revista Forbes, ta e di dos homber mas rico di Colombia, ta residencia na London, Inglatera y tin un rikesa di entre 3 pa 4 biyon dollar.