Vd Berg: E suma cu CBNA ta duna FLPD, ta duna segun palabracion

ORANJESTAD – E sumanan cu Canadian Bank Note Aruba NV (CBNA) ta duna Fundacion Lotto pa Deporte (FLPD), ta segun e acuerdonan firma. “Nos ta cumpli locual nos a ‘agree on’ cu FLPD y cu gobierno” ta loke cu e gerente general di CBNA, Ronald van den Berg a bisa noticiacla.com e siman aki. E ta reacciona asina riba e critica treci dilanti pa e portal aki, cu FLPD no ta dunando suficiente placa pa deporte. Realidad ta, cu CBNA ta duna FLPD e suma di placa, mientras cu FLPD ta esun responsabel pa duna placa na e comision di subsidio, cu na su turno ta reparti e placa na e federacionan corespondiente. 

MESTER CAMBIA ACUERDO PA CAMBIA SUMA

Segun v.d. Berg, nan ta ‘fundraiser’ di L FLPD. Tur aña nan ta duna FLPD un cierto suma. “Pero nos mester sa den kico nos ta bezig ta circulando. Nos tarea ta (cu) nos mester deposit tanto placa pa luna tal caminda. E tal caminda ey, te awe ta contento cu esey. Dia (cu) bo bisa mi: ‘tende mi mester mas, bin na mesa nos papia con nos ta hacie mas,” v.d. Berg a sigui bisa. “Ta un solucion so tin. Yega na mesa anto ban papia. Anto ban wak kico bo kier y con nos por yega na dje. Y si bo no papia, bo no ta bay yega ningun caminda,” van den Berg a bisa.