Canadian Bank Note Aruba lo hiba gobierno corte si lanta un lotto nobo

ORANJESTAD – Si gobierno bin cu un fundacion nobo di lotto, esun actual, por lo menos Canadian Bank Note Aruba NV, lo hiba nan (gobierno) corte. Asina e gerente general di CNBA Ronald van den Berg a bisa noticiacla.com. Segun vd Berg, si un loteria nobo bin, e ta perhudica nan, (CBNA) y e ta perhudica commission di subsidio pa su placa cu e mester duna bek na deporte. E motibo cu lo hiba gobierno corte, ta pa  defende e interes di e compania, cu ta entre otro pago di su debenan di FLPD cu CBNA ta paga y para garantia, esta bin cu un loteria nobo. 

SOBREVIVI

E gerente general no ta sigur si e otro compania cu bin, lo por sobrevivi e competencia cu e lotto actual. “Mi no sa, pero mi ta bisa si cu e no ta yuda pa duna locual cu bo kier duna bek na gobierno, of na fundacion lotto” van den Berg a bisa. E pensamento di gobierno ta cu si bin un otro fundacion, nan si (e fundacion) lo duna deporte e placa cu nan merece, pasobra awor esey no ta tumando lugar. “Di experiencia mi ta duda cu esey lo sosode si” vd Berg ta contesta riba e ponencia ey. 

FIN DI LOTTO

Pa e gerente general, e binimento eventual di un lotto nobo, no kier men necesariamente e fin di e lotto actual. “No. Pero e ta stroba nos si. E ta bay stroba nos, stroba gobierno y stroba subsidie comissie cu e entrada. Pasobra ta un mercado tin. Anto ta un size e mercado ey tin” vd Berg a sigui bisa. Si bo parti’e den dos, e mesun entradanan ey bo no ta bay haya bek na e sumanan cu lotto ta dunando pa cu deporte bek. Aworaki Lotto tin e exclusividad di opera un loteria na Aruba segun vd Berg.