Cft kier mas progreso den casonan pendiente na St Maarten

Cft kier mas progreso den casonan pendiente na St Maarten

Posted on 10/30/2019 5:32 pm AST | Updated on 10/30/2019 5:33 pm AST

PHILIPSBURG – Colegio di supervision financiero (Cft) ta bolbe reitera cu Sint Maarten mester progresa mas den un serie di cuestion pendiente, manera e reformanan di pensioen, reduccion di e gastonan di cuido y reforma di servicio di impuesto. A pesar di e situacion politico actual, Colegio ta sigui insisti cerca Sint Maarten pa haci tur lo posibel pa tuma e stapnan necesario y pa cuminsa e aña presupuestario 2020 cu un presupuesto aproba.

PROYECTO DI PRESUPUESTO DI 2020 Y EHECUCION DI 2019

E proyecto di presupuesto di 2020 ta sigui presenta un deficit di 24 miyon florin. Pa tal motibo, aprobacion di Conseho di Ministro di Reino ta keda un rekisito a base di articulo 25 di e Ley di consenso di Reino tocante supervision financiero. E articulo aki ta permiti Pais Sint Maarten desvia di e regla di balans presupuestario den circunstancia extraordinario, manera e consecuencianan di e horcannan Irma y Maria. Cft ta recomenda pa reduci e gastonan di 2020 na un nivel mas realistico. Tambe Cft ta conseha Sint Maarten pa cuminsa aña presupuestario 2020 cu un presupuesto aproba.

Relaciona cu ehecucion di e presupuesto di 2019 Sint Maarten ta spera di termina e aña cu un deficit di 41 miyon florin, locual ta resulta mas abou cu loke a presupuesta (71 miyon florin). Encuanto e posicion di likides, e di dos reportahe trimestral di 2019 ta mustra un suma di 84,8 miyon florin na likides. Pa por bin na consideracion pa yudansa di likides Sint Maarten lo mester cumpli tambe cu cierto condicion cu e no a cumpli cu nan ainda, manera aumento di e edad cu derecho riba pensioen di e empleadonan publico di 62 pa 65 aña, incluyendo e transicion di un sistema di pensioen basa riba salario final pa un sistema di pensioen basa riba salario medio y reduccion di e salarionan di e miembronan di Parlamento.

Cft a compronde tambe cu ainda no a firma e acuerdonan di financiacion cu Fondo Fiduciario y cu EIB pa reconstruccion di e aeropuerto y ta enfatisa un biaha mas importancia di rehabilitacion di e aeropuerto pa garantisa y sigui mehora e perspectivanan economico di Pais Sint Maarten.

COSNAN NOTABEL

Cft ta spera di Sint Maarten cu den un futuro cercano e lo mester por alcansa e nivel presupuestario di prome cu Irma na 2016 y, por lo tanto, lo e mester ta capaz di cumpli cu e Ley di consenso di Reino tocante supervision financiero. Sin embargo, pa logra esey ta necesario pa ataca mas lihe posibel un serie di cuestion cu ta pendiente pa basta tempo caba. Mas na halto riba e lista aki ta aparece e reforma previsto di servicio di impuesto. Conseho di Ministro a aproba e plan aki na luna di april pasa, pero ainda no a cuminsa cu su ehecucion. Ta spera cu e reforma aki -spera pa tanto tempo- lo contribui na un aumento structural di e entradanan di gobierno. E entradanan adicional aki lo permiti Sint Maarten, entre otro, compensa e deficitnan actual y antiguo y reduci e atrasonan considerabel di pago. Te awor Sint Maarten a efectua algun pago y, den e contexto aki, recientemente tambe el a cera acuerdo cu Telem y SZV.

Otro cuestion pendiente ta mehoramento di e maneho financiero y reforma di e sistema di pensioen y di e sistema di cuido di salud. Cft ta pidi atencion special pa e reforma di e sistema di pensioen y di e sistema di cuido di salud, en bista di e consecuencianan negativo cu esaki por tin pa e presupuesto di gobierno, si no administra nan adecuadamente. A entrega e proyecto di legislacion pa revision di pensioen di empleado publico na Parlamento na october 2018, pero te ainda no a aprob’e. Ainda mester entrega na Parlamento e ley pa aumento di e edad di Pensioen di Behes di 62 pa 65 aña.

 

 

 

 

  • Rijna: Bonaire lo mantene frontera cu Aruba habri toch

    Rijna: Bonaire lo mantene frontera cu Aruba habri toch

    KRALENDIJK – Bonaire no ta cera su frontera pa Aruba mas entrante diabierna awor 10 di juli. Asina gezaghebber di e isla Edison Rijna a confirma pa noticiacla.com. “Si, Aruba ta keda den bubbel pa nos hendenan” e mandatario a cuminsa na bisa. E decision ey a cay diaranson despues di un reunion di evaluacion. Mientras cu no ta cera e frontera, ‘lo monitor (Aruba) hopi di aserca’. E mandatario tabatin bon palabra tambe pa e forma con Aruba ta anda cu e crisis. “Aruba mes ta hasi hopi pa evita ku e virus ta yega via di Merca. Tin bon palabracion cu boso DVG”, Rijna a sigui bisa. 

  • St Maarten oficialmente ta rechasa condicion di Hulanda

    St Maarten oficialmente ta rechasa condicion di Hulanda

    PHILIPSBURG – Conseho di minister di St Maarten den forma unanime a vota cu nan ta rechasa e condicion di Hulanda manera proponi dialuna ultimo. Mescos cu Aruba, St Maarten tambe a haya e documento di 218 pagina cu nan mester repasa den 4 dia di tempo, prome cu diabierna proximo 10 di juli. Parlamento di St Maarten ta reuni diaranson atardi 2pm. St Maarten a bisa cu ta bay pidi Hulanda pa mas tempo pa discuti e proposicion y condicion di Hulanda. Potret cortesia Daily Herald St Martin. 

  • St Maarten ta pospone reapertura di frontera cu Merca cu dos siman

    St Maarten ta pospone reapertura di frontera cu Merca cu dos siman

    PHILLIPSBURG – Gobierno di St Maarten a dicidi pa pospone e reapertura di frontera pa Merca cu dos siman. E reapertura mester a tuma lugar diaranson awor, 1 di juli 2020. E motibo ta e forma con e casonan di COVID-19 a escala hopi desde diabierna. E decision a tuma lugar den interes di e seguridad di e isla. Despues a sigui un conferencia di prensa di e gobierno, cu a anuncia e cambio.  

  • St Maarten ta habri pa Merca y Europa entrante otro siman

    St Maarten ta habri pa Merca y Europa entrante otro siman

    PHILIPSBURG – St Maarten ta habri frontera pa Noord America y Europa otro siman diaranson 1 di july 2020. Esaki ta coincide cu dia di emancipacion. A pidi tur hende pa tene cuenta cu e distancia social y protocolnan di seguridad. E isla ta habri caba pa pasaheronan di Saba, Sint Eustatius, Bonaire, Curacao, Aruba, Anguilla, St. Barthelemy, Martinique, yGuadeloupe. Pa e paisnan aki, nan mester tabata presente 21 dia na e paisnan aki, prome cu biaha pa St Maarten. No ta necesario pa e biaheronan aki bay den cuarantena ora cu nan yega St Maarten. Entrante awe, St Maarten ta habri pa St. Lucia, Antigua y Barbuda, St. Kitts and Nevis, Dominica y  British Virgin Islands. Un di e consecuencianan pa e apertura aki ta cu, p.e. Bonaire ta cera su frontera pa e isla, pasobra el a cuminsa bula pa Merca. Potret cortesia StMaartenvacation.com

  • Corte ta nenga peticion pa traslada presonan di St Maarten pa prison na Hulanda

    Corte ta nenga peticion pa traslada presonan di St Maarten pa prison na Hulanda

    PHILIPSBURG – Corte na St Maarten a dicidi cu presonan no por wordo traslada pa un prison na Hulanda. Ta trata di un grupo grandi di preso cu a demanda gobierno y minister di husticia particularmente, debi na e situacion di e prison na e isla. A pidi como tal pa transporta nan pa e facilidadnan na Hulanda. Esaki te ora cu e prison Point Blanche cumpli cu e standard internacional. 

  • Rijna: Arubianonan por biaha pa Bonaire te ora Aruba habri frontera pa Merca

    Rijna: Arubianonan por biaha pa Bonaire te ora Aruba habri frontera pa Merca

    KRALENDIJK – Bonaire a anuncia nan plan di reapertura di frontera diaranson merdia. Gezaghebber Edison Rijna a informa noticiacla e.o. cu Bonaire ta habri su frontera mayan te cu 30 di juni proximo como un prueba cu un grupo di 108 persona di Hulanda. Pa loke ta Aruba, e situacion ta diferente y ta cuminsa ricibi Arubiano desde 12 di juni proximo, esta diabierna awor. Segun Rijna a splica e portal aki, pasaheronan di Aruba cu ta biaha pa Bonaire, no mester bay den cuarentena. Pero na momento cu Aruba habri frontera pa laga Mericanonan drenta, ta cera e espacio aereo pa Aruba. Mes momento e mandatario ta spera cu Aruba kita e cuarentena pa pasaheronan for di Bonaire.  

  • Powered by SETAR