CBNA: Gobierno ta responsabel pa e facilidadnan deportivo na Aruba

ORANJESTAD – Ta gobierno ta esun responsabel pa mantencion di e facilidadnan deportivo di Aruba manera, Compleho Frans Figaroa y Compleho Guillermo P. Trinidad, y no Canadian Bank Note Aruba NV of FLPD (Lotto). Asina gerente general di Caribbean Bank Note Aruba NV (CBNA), Ronald van den Berg a bisa noticiacla.com. Vd Berg no ta compronde pakico gobierno ta acusa nan di ta responsabel, siendo cu ta gobierno ta 100% responsabel. Gobierno anterior a opta pa reparti responsabilidad financiero di tal forma cu entrada di lotto ta bai pa federacionnan deportivo y Fundacion Facilidadnan Deportivo ta cubri gastonan di mantencion di complehonan deportivo. Den e cuadro aki fundacion facilidadnan deportivo ta ricibi 2.95 miyon florin anualmente di gobierno. Esaki a sosode durante un reorganisacion di Lotto, unda cu e acuerdonan cu a firma, ta pone gobierno responsabel. 

PITCH IN

Loke si vd Berg ta bisa cu na 2011, nan para garantia pa e fundacion, debi na un situacion di likides malo, mester a caba di paga pa 5 facilidad deportivo, pasobra no tabatin placa di otro forma. Potret ta di Compleho Deportivo Frans Figaroa, un di e facilidadnan en cuestion.