Tin fecha pa groundbreaking pa e hotel na Seroe Colorado

ORANJESTAD – Tin fecha pa groundbreaking pa e hotel na Seroe Colorado. Gobierno diaranson a anuncia cu dia 14 di November proximo e ‘groundbreaking’ lo tuma lugar pa e proyecto hotelero na Seroe Colorado, conoci como Secrets Baby Beach Resort. Esaki ta e hotel cu tanto a papia ariba, di e Grupo Martinon & Three Rivers Real Estate NV, responsabel pa e proyecto. E proyecto aki a keda anuncia na februari di e aña aki, cu e pensamento cu 6 luna despues lo a cuminsa cu su construccion. Awe ta asina leu cu e groundbreaking lo tuma lugar. 

E PROYECTO

E proyecto, cu lo opera  bou di e nomber di Baby Beach Resorts, taconta cu dos fase, di cual e prome ta costa 60 miyon dollar cu ta inclui 600 camber all inclusive, restaurant y casino. E lo ta ubica riba un tereno di 105.000 m2, y e tereno aki ta cla caba, pues no ta cuestion di a duna e compania (Three Rivers Real Estate NV/Centerpoint Real Estate) un optie manera sa sosode den pasado.