OM: Entrada hudicial awe mainta tabata riba peticion di Hulanda

ORANJESTAD – Riba peticion di Hulanda, Ministerio Publico a supervisa un entrada hudicial awe mainta na residencia y negoshi di famia Van Kessel. Asina vocero di ministerio publico Ann Angela a confirma pa noticiacla.com. Mes momento sinembargo, nan ta enfatisa cu ni Van Kessel of su negoshi no ta sospechoso den e investigacion y no ta envolvi den ningun manera den e caso aki. Manera indica, ta trata di un ‘rechtshulpverzoek internacional’, unda cu autoridad a haci e entrada aki. No tabatin detencion tampoco durante e entrada aki. Hopi mas informacion no tabata disponibel.