Discusion riba ley di Serlimar ta sigui crea division den comunidad

Discusion riba ley di Serlimar ta sigui crea division den comunidad

Posted on 10/28/2019 3:45 pm AST | Updated on 10/28/2019 3:49 pm AST

ORANJESTAD – E fin di siman aki, e discussion riba e ley di Serlimar a pone cu e division den comunidad a bira aun mas fuerte, ora cu un parlamentario a dicidi di kibra su silencio riba e tema publicamente.  Mientrastanto, gobierno (lesa: Minister Otmar Oduber) tin pura pa e ley pasa, mientras cu di otro banda, tin un compania priva cu ta bringando pa e ley no pasa. Cada uno tin su motibo. Hecho ta si, cu e ley ta creando mas division, siendo cu tin otro cosnan mas importante cu tin cu tuma lugar awor. 

PRO OF CONTRA LEY

Oduber ta insisti cu e ley mester pasa awor, pasobra mester salvaguardia medio ambiente, entre otro Dump, prome cu instancianan manera PAHO baha mas pisa riba nos. Den su afan pa logra esaki e ta cuestionando tur hende, incluyendo prensa, cu supuestamente lo no ta na su banda pa logra esaki. Di otro banda, tin un compania priva cu ta bringando lo opuesto, pasobra sobrevivencia economico di dje ta na peliger. Y for di e señalnan, e no tin pensa di entrega e bataya sin mas. Y cu e comentario e fin di siman aki di un parlamentario cu ainda no ta convenci cu e tin cu vota pro e ley, e situacion ta keda tenso riba e tema. 

URGENCIA

E pregunta cu hopi ta haciendo, ta cu si enberdad tin un urgencia asina grandi pa e ley pasa, siendo cu no tur pregunta riba e ley a haya contesta. E ta creando division tambe entre parlamentarionan, mas concreto, division den e propio coalicion den parlamento. Realidad ta cu si e ley no pasa awor mesora, e no ta nifica ciere di Serlimar, pasobra gobierno ta financiando esaki toch. Y Pa loke ta dump na Parkietenbos, si no pasa e ley, esaki lo no nifica cu lo habri e dump bek. Y lugar pa deposita sushi, legamente, tin suficiente. Envez di duna espacio pa haya mas claridad riba preguntanan cu tin, ta bezig ta crea mas polarisacion door di publicamente cuestiona coleganan politico, y creando un presion cu por resulta den un proximo ‘postema’ politico cu si e rementa, por nifica kiebro den coalicion. Algo cu aworaki no ta cumbini nos isla.  

E LEY TIN CONSECUENCIA PA COALICION 

Pa loke e ‘postema aki’, noticiacla.com tin confirmacion for di prome minister Wever cu Otmar Oduber a priminti’e cu e resultado final di e voto di e ley, ‘lo no tin consecuencia pa e coalicion’. Si tin e garantia, pakico no ta dal bay cu e votamento, pase loke pase, y wak kico ta pasa. Pasobra e realidad ta cu e tratamento di e ley ta para aworaki, pasobra ‘no tin sifuciente voto’ pa pasa esaki. Contrario na versionan ‘oficial’, duna, esey ta e realidad cu tin pa cu e ley aki. 

GUERA POLITICO

Cu e admission publico di un parlamentario (Lejuez) e fin di siman aki cu ‘e no ta cla pa vota ‘pro’ pa e ley, esaki a pone gasoline riba e ‘postema’ y a duna contrincantenan politico e arma necesario pa cuestiona e parlamentario aki mas ainda, creando un tension entre e coalicion. Mesora mensahenan for di sostenedornan di e minister en cuestion (Oduber), a cuminsa atakenan frontal contra e parlamentario. Mensahenan manera ‘pa vota contra ley di Serlimar ta un simple hecho cu bo no ta respeta e plan di gobernacion’  y ‘mi ta wonder kico ta Bo argumentonan pa vota contra e ley di Serlimar. Mas cu 100 pregunta nos a contesta y adapta djis pabo!’, a cuminsa pone presion riba e parlamentario en cuestion. Tambe algun dia prome, minister mes a manda otro mensahe:” Un Parlamentario, Mandatario of Politico, mester tuma decision segun su consenshi pa bienestar di nos pais, y no pasobra cu e ta wordo presiona pa algun persona”, indicando cu e parlamentario aki ta presiona pa un compania priva, pasobra su casa a haci trabou pa e compania aki den pasado. Pues, tin presion pisa pa e ley aki pasa. E parlamentario den un reaccion anterior na e portal aki, no kier a bisa nada riba e tema. Pero e weekend aki el a kibra su silencio. “ Mirando e hecho cu mentira flagrante ta wordo difundi tocante mi persona pa motibo di mi postura encuanto e ley di Serlimar, proximamente lo mi bai splica detayadamente e argumentonan pa cual, na e momentonan aki y den su forma actual, ta difícil pa bai diacuerdo cu e propuesta di ley di Serlimar si no trese algun cambio fundamental” e parlamentario a bisa entre otro. 

DUNA TEMPO TEMPO

Parlamento no tin fecha ainda pa e ley aki pasa, manera e portal aki a bisa siman pasa caba. E presidente di parlamento Ady Thijsen tin cu dicidi ki dia e ley aki su tratamento ta continua. Su motibo ta cu e tin cu analisa e leynan cu tin prioridad, e leynan cu tin cu pasa ainda, y no ta cla cu e pensamento riba esey. Tempo lo bisa. 

 

 

  • Premier Wever ta confirma cu lo trata presupuesto na maart

    Premier Wever ta confirma cu lo trata presupuesto na maart

    ORANJESTAD – Prome minister di Aruba Evelyn Wever Croes diahuebs mainta a confirma e declaracion di minister di finanza Xiomara Maduro, esta cu pa maart 2020 lo por cuminsa cu tratamento di presupuesto 2020. E ta confirma tambe cu e presupuesto ta laat y cu de facto, Aruba por a haya un aanwijzing pa e tardansa aki. No obstante esey, a logra, segun Wever, a logra palabracion cu Hulanda pa trata esaki mas despues, y cu mas tarda 1 di april e presupuesto mester ta aproba pa Parlamento. 

  • Minister a scucha preocupacionan di Stichting Parkietenbos Aruba

    Minister a scucha preocupacionan di Stichting Parkietenbos Aruba

    ORANJESTAD - Riba invitacion di Minister di Medio Ambiente Marisol Lopez - Tromp, a tuma luga un reunion cu Stichting Parkietenbos Aruba diamars 18 di februari. E tema di e reunion tabata: Maneho di desperdicio y preocupacionnan di e fundacion. A organisa e encuentro aki despues di cu recientemente a tuma nota di accion di SPA den medionan di comunicacion riba e situacion di dump. E encuentro a tuma luga conhuntamente cu Prome Minister Evelyn Wever - Croes, pa cual SPA a gradici pa e invitacion y e oportunidad pa expresa nan mes.

  • Oduber: Aruba tin su propio plan nacional di prevencion!

    Oduber: Aruba tin su propio plan nacional di prevencion!

    ORANJESTAD – Dialuna mainta a tuma lugar e lansamento oficial di e plan nacional multisectoral pa cu prevencion di malesanan no contagioso (non-communicable diseases NCDs) na Marriott Ballroom. Aki Minister di Salud Publico Dangui Oduber a hiba un discurso den presencia di representantenan di di PAHO/WHO Dr. Erica Wheeler y Dr. Taraleen Malcolm. Tambe tabata tin varios miembro di Parlamento, Directie Volksgezondheid Aruba y demas stakeholders presente e mainta aki.

  • Maduro: CAFT ta positivo riba e resultado financiero di pais Aruba

    Maduro: CAFT ta positivo riba e resultado financiero di pais Aruba

    ORANJESTAD – “CAFT ta positivo riba e resultado financiero di Pais Aruba”. Asina e comunicado di gobierno di Aruba riba e reunion cu e colegio di supervision financiero CAFt ta bisa. Ta specifica esaki asina, pasobra e colegio mes a manda su propio comunicado riba nan interpretacion di e bishita. Y den e comunicado ey, ta un frase so ta positivo di e comunicado. Ta custumber si cu cada partido ta duna su interpretacion di e bishita di e colegio di supervision. 

  • Wever: No a logra firma terminacion di contract cu CITGO ainda

    Wever: No a logra firma terminacion di contract cu CITGO ainda

    ORANJESTAD – Gobierno di Aruba no a logra firma terminacion di contract cu CITGO ainda. Durante conferencia di prensa di Gobierno diahuebs mainta, Premier Evelyn Wever-Croes a elabora riba e situacion di Citgo cu actualmente ta un topico di hopi interes den comunidad.” E negociacionnan entre Gobierno y Citgo pa yega na un terminacion di contract ainda ta andando” Wever a bisa. Mirando cu e acuerdo firma entre Gobierno di Aruba y Citgo na aña 2016 ta uno grandi y hopi elabora, ta dificil pa defini un bon momento pa terminacion. Segun Wever-Croes su persona no ta altanto di tur e detayenan cu tin den e contract pero e sa si cu na final Gobierno mester bay Parlamento prome cu firma pa terminacion mescos cu a bay Parlamento pa e contract aki wordo aproba.

  • Maduro: Lo por cuminsa trata presupuesto 2020 na maart

    Maduro: Lo por cuminsa trata presupuesto 2020 na maart

    ORANJESTAD – Parlamento lo por cuminsa cu tratamento di presupuesto 2020 na comienso di maart di e aña aki, envez di e palabracionan anterior di januari y despues februari (esta e luna aki). Asina minister di finanza Xiomara  Maduro a bisa noticiacla.com diahuebs. Motibo di e tardansa ta cu e presupuesto ta ‘’pega’ na Raad van Advies ainda. Hulanda mientrastanto a duna Aruba te februari (segun Evelyn Wever Croes na e portal aki) pa trata e presupuesto, despues no a logra haci esaki na januari 2020 segun palabracion anterior. 

  • aruba airlines
  • w.c enero
  • Powered by SETAR