Universidad di aruba ta tene dia di informacion pa e futuro studiantenan

ORANJESTAD - Universidad di Aruba ta invita tur studiante di Colegio Arubano, International School of Aruba,avond HAVO/VWO, EPI y di tur esnan cu ta interesa pa inicia un estudio di enseñansa avansa na Aruba, pa asisti na e mainta di  informacion cu ta tuma luga Diasabra 6 di april 2019 di 9:30 A.M. pa 1:00 P.M. 

Riba e dia aki lo duna informacion di e Facultad di Derecho (Faculteit der Rechtsgeleerdheid - FdR), Facultad Financiero Economico (Financieel Economische Faculteit - FEF), Facultad di Turismo y Maneho (Faculty of Hospitality and Tourism Management Studies – FHTMS) y Facultad di Arte y Ciencia (Faculty of Arts & Science - FAS) y SISSTEM cual ta e programa nobo cu a cuminsa e aña aki na augustus 2019. Riba e dia aki tur studiante cu ta interesa pa studia na Universidad di Aruba, e proximo aña academico tin oportunidad tambe pa haya informacion general y lo tin oportunidad pa papia cu studiante y docente nan di e facultad nan. 

Tin cuater facultad cu 11 programma y un aña di preparacion (Academic Foundation Year).  E programma mas nobo ta SISSTEM (Sustainable Island solutions through science, technology, Engineering and Mathematics). 

E estudio aki lo ta den cooperacion cu KU Leuven (Belgica), University of the West Indies (Jamaica) y Oregon University (USA). Un isla cu tin un solucion sostenibel por medio di ciencia, technologia, engeneria y matematica lo incorpora polisa nan sostenibel riba un nivel academico. Asina por duna sosten na tur luga nan chikito y na mesun momento educa e sector laboral cu tin e capacidad y abilidad pa haci e polisa nan aki un realidad. 

Ta brinda e graduadonan di scol secundario y otro interesado e oportunidad pa por aplica y asina sigui un estudio pa obtene un titulo na nivel di ‘Bachelor’ of ‘Master’. 

Como studiante di Universida di Aruba no solamente bo por haci un programa di inter cambio pero tambe bo por bai haci bo pasantia (stage) afo. Pa esaki tambe tin acuerdo cu Universidad nan di Hulanda y Merca pa yuda supervisa y guia e studiante nan cu opta pa haci esaki.

Esaki ta un muestra di e crecemento di Universidad di Aruba den e ultimo aña nan. E convenionan cu Universidad di Aruba ta cera cu universidad reconoci mundialmente ta na bienestar di tur nos studiantenan