Lusette Verboom di Curaçao ta e Curator pa Aruba Art Fair 2019

ORANJESTAD - Lusette Verboom di Curaçao ta e Curator pa Aruba Art Fair 2019. Asina e organisacion di Aruba ta informa. Segun e organisacion, Aruba Art Fair 2019 ta hopi orguyso di por presenta Lusette Verboom, di e galeria tan conoci y renombra na Curaçao, Kas Alma Blou. Como e proximo curator di Aruba Art Fair 2019.

Lusette a cuminsa na 2001 cu un souvenir shop masha chikito, pa despues di 5 aña muda bay un edificio mas grandi cu ela yama Kas di Alma Blou.  Aki ela combina souvenir y exposicionnan di arte.

Na aña 2006 Lusette a habri su Galeria den e prestigioso Landhuis Habaai. Aki un gran cantidad di exposicion di diferente artistanan conoci di region di Caribe, di Hulanda y di Curaçao mes y Aruba tambe a worde teni.

Lusette ta presidente di Fundacion Arte 99, un fundacion cu ta organisa eventonan di arte na Curaçao y e tabata hopi instrumental den produccion di e buki Curacao Classics, Viusal Arts 1900-2010 y recientemente tambe a produci e "quartet game for the visual art in Curacao".

Aruba Art Fair ta hopi contento cu Lusette Verboom ta bin duna un man y comparti su experiencia y conocemento cu Aruba Art Fair 2019. Elo wordo asisti pa e conocido artista di Aruba, Nelson Gonzalez y tambe den e seccion di ‘Performance Artist’ pa John Freddy Montoya

Ta di remarca cu e lasonan estrecho entre e islanan ta ser sinti mas y mas pa loke ta concerni Arte y Cultura. Esaki lo aumenta aun mas pa 2020 ora e division Nature and Faces lo bay tur islanan di paisnan baho cu nos ta yama Antillas Hulandes.

Lusette, huntu cu e organisacion di Aruba Art Fair ta invita pueblo di Aruba pa bishita e explosion di Arte y Cultura.

Aruba Art Fair 2019, lo ta den e cayanan di San Nicolas, November 22, 23, 24, 2019. Cuminsando tur anochi pa 7 or na unda Arte, música, baile, y mas di 150 artista lo trese nan arte den un manera singular. 2019 lo marca asina e apertura pa e di prome lustro na 2020 cu ta culmina den e remodernisacion di Hooiberg na unda e 600 trapinan lo haya dise?onan di tur parti di mundo pa completa e obra di mas grandi di Mozaik den Caribe.Partners di Aruba Art Fair 2019, cu ta hasi e explosión di Arte posible ta entre otro Departamento di Cultura Aruba y Divi Resorts.