Periodista na Hulanda deteni pasobra no kier revela su fuente

DEN HAAG – Periodista di e portal Hulandes NOS, Robert Bas a keda deteni riba orden di huez comisario, pasobra e no kier revela su fuente den un caso importante. Diabierna corte ta dicidi si e periodista ta keda deteni mas largo. E doño di trabou, esta NOS ta rabia y ta considera esaki un violacion di derecho di libertad.

E CASO

E caso ta trata e asesinato riba e director di GGZ, Rob Zweekhorst, cu na 2014 a keda asesina den su cas. E tirador a mir’e como un enemigo den e mundo di droga. E caso a bira un caso di ‘morto robez’. E caso aki, cu e periodista ta debi na un pregunta cu Bas a haci na un fuente, cu a keda scucha pero cu no ta sospechoso den e caso. E huez kier sa pakico e periodista a haci e pregunta. E periodista a nenga di contesta. “E pregnta ta uno hopi importante pa e investigacion riba e atentado. Ta trata di un caso castigabel hopi serio. E ora bo mester duna contesta. Y si bo no kier, wel, e ora bo ta bay cera un rato”. Segun abogado di e periodista, e derecho di proteccion di e fuente no ta solamente pa e identidad pero tambe kico bo ta palabra cu ne. “Riba esey el a basa su mes y esey no a keda honra. E huez comisario a pone esey completamente un banda”.  E periodista en cuestion Bas, a bin compronde cu varios di su combersacionan cu e fuente a keda getapt, y cu raportahe di e combersacionan a wordo usa pa e caso. A base di grabacion di e combersacionan, Bas a wordo yama como testigo den e caso. Pero e periodista a bisa cu si contesta pregunta, e por crea un situacion peligroso pa tanto e como e fuente.