Leo Club Aruba a tene anochi di informacion pa haya miembro nobo

ORANJESTAD - Durante un anochi agradabel recientemente a tuma lugar e anochi di informacion di LEO Club Aruba. Esaki a sosode na Lions Club den Engelandstraat cu ayudo di e studiante di IPA Minchella van der Linde cu a haci esaki como su Sociaal Project pa yuda Lions Club of Aruba yega na miembronan nobo pa LEO Club Aruba. 

E meta di e anochi aki tawata pa duna un presentacion pa informa e hobenan y nan mayornan tocante kico ta LEO Club Aruba y kico tur Lions Club of Aruba tambe ta haci pa asina inspira e hobenan aki pa bira miembro di LEO Club Alpha. Esaki tawata un exito ya cu durante e anochi ameno aki ya a logra haya inscripcion di mas o menos 15 hoben entre edad di 12 pa 18 aña. Y nan ta spera di por haya mas hoben pa join nos club y asina yuda nan haci mas proyecto bunita pa comunidad di Aruba. Si abo mes ta un hoben of conose un hoben cu lo ta interesa pa inscribi ainda tuma contacto cu e LEO Advisor Leonistic 2019/2020 na telefoon 5683313 of tambe por manda  un mensahe via  pagina di facebook www.facebook.com/arubaleoclub of bishita e website www.arubalionsclub.org pa mas informacion.