Polis na Inglatera a haya truck cu 39 curpa aden

GRAYS – Den e pueblo Britanico Grays, polis a localisa 39 curpa den un truck diaranson marduga. E chauffeur di 25 aña a keda deteni riba sospecho di asesinato. E ta procedente di Irlanda. Pa loke ta e victimanan, ta trata di 38 adulto y un teenager. E victimanan mester keda identifica ainda y polis ta tene cuenta cu esaki por dura un poco. No por bisa como tal si ta trata di migrantenan. E truck por ta procedente di Bulgaria y a drenta e ciudad diasabra via e ciudad portuario Holyhead.