World Bank ta na Aruba fin di luna pa haya informacion riba costo di haci negoshi

WASHINGTON – World Bank ta na Aruba fin di luna pa haya informacion riba costo di haci negoshi riba nos isla. Minister di finanza Xiomara Maduro cu ta na Washington actualmente pa un bishita di trabou a confirma esaki. E representantenan di e banco lo ta na Aruba entre dia 28 y 30 di October proximo. E lo ta un analisis preliminario cu lo wordo sigui pa uno mas avansa den cual lo compara Aruba su costo di haci negoshi cu otro 90 Pais na mundo. E mision aki lo indica kico por wordo haci pa elimina 'red tape' pa asina por reduci gasto pa haci negoshi.