Ex minister di  St Maarten deteni pa asunto di tereno

Ex minister di St Maarten deteni pa asunto di tereno

Posted on 10/22/2019 3:54 pm AST | Updated on 10/22/2019 3:57 pm AST

PHILIPSBURG:--- Ex minister y actual parlamentario na St Maarten Christopher Emmanuel a keda deteni diamars mainta na su cas pa Landsrecherche, como parti di e investigacion riba e caso Begonia cu ta regarda asunto di tereno. Hunto cu Emmanuel, a detene su hefe di oficina Marisha Richardson.  Interesante ta cu e actual parlamentario, ta un candidato pa bira minister atrobe pa e gobierno interinom y tabata den proceso di pasa e screening. Algo cu awor obviamente e lo tin problema cu ne. Cortesia SMNN.. 

ARUBA

Na Aruba actualmente tin un situacion casi identico cu e exepcion di e parti di detencion. Ex minister Benny Sevinger, cu awe ta parlamentario, mesun cos cu na St Maarten, ta sospechoso den caso Avestruz, tambe pa asunto di tereno otorga ilegalmente durante su periodo como minister. Na St Maarten e asunto ta mas avansa si cu na Aruba. 

 

 

 

  • Hulanda a manda ekipo medico pa pashentnan di Coronavirus pa St Maarten

    Hulanda a manda ekipo medico pa pashentnan di Coronavirus pa St Maarten

    EINDHOVEN – Hulanda a manda su prome cargamento di aparatonan medico pa St Maarten den cuadro di e crisis di coronavirus. Tabata awe mainta cu un avion tipo C-17 a sali di Eindhoven cu aparato medico manera camanan pa ICU completo cu ventilador, material di proteccion y medicina pa por trata pashentnan di coronavirus riba e isla. A pone 12 cama completo di ICU disponibel pa St Maarten, Aruba y Corsou tambe. Parti di e cargamento pa St Maarten ta un hospital mobil unda cu tin 6 espacio independiente di intensive car3e. Tin aparatonan tambe unda cu por crea 6 lugar extra di IC den e hospital na e isla. E lugarnan extra sinembargo ta pa pashentnan di tur e islanan di Caribe Hulandes. Nan ta wordo realisa prome na St Maarten pasobra eynan e necesidad ta mas grandi. Tin un ekipo tambe cu ta bin reforsa esun medico di e isla. A haci palabracion cu un compania internacional cu lo exporta personal medico. E prome ekipo di medico lo yega St Maarten e siman entrante. 

  • St Maarten awor tin total 4 morto di coronavirus

    St Maarten awor tin total 4 morto di coronavirus

    PHILLIPSBURG – Gobierno di St Maarten a confirma diabierna cu tin total 4 caso di morto consecuencia di coronavirus na e parti Hulandes. Dos di nan a fayece diabierna y e otronan a fayece prome cu esey. Mas prome Noticiacla.com a raporta cu tabatin 2 caso so mas prome, pero mientrastanto e cantidad a aumenta te na 4. Mientrastanto St Maarten ta preparando introduccion di toque de queda tambe, ya cu e shelter in place no ta dunando resultado.  

  • St Maarten tambe ta introduci toque de queda dialuna anochi

    St Maarten tambe ta introduci toque de queda dialuna anochi

    PHILLIPSBURG – St Maarten tambe a anuncia introduccion di un toque de queda, cu ta inicia awe dialuna anochi. Esaki kier men cu pa habitantenan di e isla, ningun hende no por ta riba caminda entre 8’or di anochi pa 6’or di mainta. Aruba y Corsou tambe a implementa un toque de queda. Mientrastanto tin 6 caso confirma di coronavirus riba e isla, parti Hulandes. E parti Frances tin 15 caso. Un persona a fayece cu ta un homber di 61 aña di edad. El a keda hospitalisa despues di un accidente di auto, y a resulta e momento ey cu e tabata contagia. Segun mediconan, e contagion ey finalmente tabata motibo di su morto. Mientras cu e parti Frances a anuncia medidanan mas fuerte pa minimalisa e trafico riba e isla, no a introduci un toque de queda si. Cortesia Dagblad van het noorden.

  • Hulanda ta confirma di 4 morto di coronavirus y 382 contamina

    Hulanda ta confirma di 4 morto di coronavirus y 382 contamina

    AMSTERDAM –Rijksinstituut voor Volksgezondheid en Milieu (RIVM) na Hulanda diamars a confirma cu Hulanda tin e di 4 morto di coronavirus COVID-19, y 382 hende contamina, di cual 61 nobo a keda anuncia diamars. Loke ta haci e caso preocupante ta cu di 156 caso, no conoce e fuente di e contagion. Mientrastanto hopi hende na Brabant (brote pisa) a duna oido na e peticion pa traha for di cas. E portal aki a compronde cu tin companianan cu ta trahando den ‘shift’, y cu despues di cada shift, ta haci un limpiesa profundo, prome cu e siguiente shift drenta. Asina serio nan ta tuma e casonan aki na Hulanda. 

  • Asamblea Nacional di Venezuela kier Parlamento di Aruba investiga asunto di bara di oro

    Asamblea Nacional di Venezuela kier Parlamento di Aruba investiga asunto di bara di oro

    CARACAS – E Asamblea Nacional di Venezuela a pidi Parlamento di Aruba pa ‘investiga e uso y procidencia di e tonelada di oro cu a keda decomisa na februari ultimo pa autoridad Hulandes, balora na 50 miyon dollar’. Asina e portal Analitica.com ta bisa. Segun e portal, e presidente di e commission pemanente di politica exterior Armando Armas amanda e carta pa parlamentario Rocco Tjon, presidente di e commission di Asunto di Reino y Relacionan Exterior. Den un reaccion breve na noticiacla mientrastanto, presidente di Parlamento di Aruba Ady Thijsen no tabata (ainda) na altura di dicho carta. Lesa e articulo y su contenido AKI

  • PAHO: Tin 6 caso di coronavirus confirma den Caribe

    PAHO: Tin 6 caso di coronavirus confirma den Caribe

    BRIDGETOWN, Barbados (CMC) —  Segun Pan American Health Organization (PAHO), tin 6 caso confirma di coronavirus den Caribe. 3 ta na Republica Dominicano, 2 na St Maarten y uno na St Barths. Asina e presidente di PAHO Dr Carissa F Etienne a declara. E ta preocupa cu e region su abilidad pa atende cu e brote di e coronavirus cu a cobra casi 3 mil bida mundialmente.  E ta menciona tambe cu Aruba y Corsou ta entre e islanan cu tin e abilidad pa test pa e virus aki. 

  • Powered by SETAR