Pais Corsou mester paga Emsley Tromp mas di 600 mil florin na daño y perhuicio

WILLEMSTAD – Pais Corsou tin cu paga ex director di Banco Central di Corsou y St Maarten Emsley Tromp riba 600 mil florin na daño y perhuicio. Asina corte a dicta recientemente den un sentencia, obteni pa noticiacla.com dialuna. E sentencia mes ta di algun siman pasa. E ta basa riba gastonan cu Tromp mester a haci pa por defende su mes den su casonan legal. E hecho cu situacion financiero di Corsou no ta bon manera cu procurador interino Angela a trece dilanti, no por perhudica Tromp, segun Corte. Gastonan ta haci, y mientras cu pais Corsou ta argumenta cu situacion financiero no ta duna, nan tabata sa si di usa tur medionan posibel, pa bringa Tromp. Entre e gastonan disputa, ta e pago pa un abogado di Hulanda, y kico tur mester a cubri pe. Aki huez a duna razon na Tromp, cu loke a pidi, mester haye paga. E caso a dura 2 aña for di momento cu a haci un entrada hudicial na cas di Tromp, unda cu tabata acuse cu entre 2006 y 2014 intencionalmente e lo a manipula cu yenamento di inkomstenbelasting. Por lesa e sentencia AKI.