Edificio restaura di Bestuurskantoor ta conta cu tur regla monumental

ORANJESTAD – Manera ta conoci, recientemente a tuma luga e entrega di e edificio monumental di Bestuurskantoor cu a wordo restaura. E oficina di Gobierno ta estableci den e edificio aki for di añanan 50. Hunto cu e edificio di Corte ta e unico edificionan cu pa mas di 50 aña a keda wordo usa pa mesun destinacion E restauracion a cumpli cu e reglanan di edificio monumental segun un comunicado di gobierno di Aruba. E mesun comunicado ta sigura cu e restauracion di e edificio di Gobierno a wordo ehecuta riba un nivel hopi halto y a cumpli cu e reglanan pa edificionan monumental. E funcionarionan di Monumentenbureau a haci e trabou pa asina por a restaura e edificio y conserva partinan original di e edificio.