Miembro di Landsrecherche na Corsou a keda deteni

WILLEMSTAD.- Un funcionario di Landsrecherche na Corsou a keda deteni diahuebs anochi hunto cu su casa. Ta trata e.o. di e persona di inicial A, cu a keda detene na un establecimento riba Caracasibaaiweg. E homber ta casa cu un dama stranhero. Segun ministerio publico, ta sospecha nan di e.o. traficacion di hende den forma di extorsion laboral, contrabanda di hende y dunamento di trabou di forma ilegal. Banda di esaki a tuma lugar varios entrada hudicial. Ta sospecha e personanan en cuestion basa riba un denuncia y algun declaracion di testigonan. E sospechoso masculine ta un recherché di Landsrecherche di Corsou. Tabatin rumor cu lo ta trata di un funcionario di Warda Costa, pero esaki no ta corecto. Pa salbaguardia e independencia di e investigacion, Landsrecherche di St Maarten lo tuma e mando over di e investigacion, mientras cu e team investigativo multidisciplinario cu a keda establece na Corsou, lo sigui ehecuta e investigacion. Por lo pronto, no tin sospecho di mal uso di autoridad. E team di investigacion ta sospecha cu e homber a comete e hechonan pafo di su oranan di trabou na landsrecherche. 

Cortesia Extra.