KPA: Polis ta investigando incidente cu scooter na rotonde Seroe Patrishi

ORANJESTAD – Cuerpo policial a informa diabierna atardi cu a tuma nota ariba rednan social disgusto y reacionnan negativo y rumornan coriendo rond tocante un incidente cu a tuma lugar recientemente na rotonde di Seroe Patrishi. Ta trata di un incidente unda cu tabatin un scooter envolvi. “Na e momentonan aki ainda investigacion ta tumando lugar di parti di nos di Cuerpo Policial. Comunidad por keda trankil cu nos tin nos agentenan policial profesional cu ta haciendo e investigacion aki” e comunicado di cuerpo policial a finalisa bisando.