Gobierno a invita sindicatonan pa reuni riba indexering

ORANJESTAD – Gobierno di Aruba a (porfin) a invita sindicatonan pa reuni diabierna 25 di October, riba e tema di indexering. Algun ora despues di e reunion di maestronan diabierna mainnta na SIMAR, e sindicatonan a ricibi e invitacion pa un combersacion. Segun e vocero di e grupo di sindicato, Eduard Maduro, gobierno ta cla pa presenta nan oferta na e sindicatonan y a invita nan (e sindicatonan) pa presenta esaki na e grupo. Ta keda na e sindicatonan despues pa dicidi si nan ta tuma e oferta ey. Si esaki no ta e caso, lo bay den nan seno y planea nan siguiente plan cu ta un accion. 

E SITUACION

For di april di e aña aki, e sindicatonan ta tratando di haya gobierno pa confirma cu lo paga indexering di 2018, pero gobierno no a reacciona y of a informa cu mester di mas tempo pa por keda cla. Varios menasa a cay, y esun di polis tabata siman pasa caba y e siman aki den un forma special, maestronan tambe a protesta, aunke a yama esaki un ‘reunion’ bow di ora di trabou. Ta parse cu awor si gobierno tin un proposicion cla pa e sindicatonan y cu lo keda presenta diabierna otro siman pa 11`or di mainta.