Evento “Dios ta hasi cosnan excelente” na Aruba

ORANJESTAD - “Dios ta haci cosnan excelente!” Esaki ta nomber di e magno evento cu House of Worship Corsow, Fundashon Ban Halsa E Standarte i Good Samaritan Christian Center Aruba ta organisa diasabra 29 di november proximo, pa 19.00 na Plaza Betico Croes.

Dia 20 di april 2014 pastornan Raimy i Arlette Juliet, hunto cu Proskuneo, tabatin un anochi di alabansa y adoracion na Corsow titula “Dios ta haci cosnan excelente”. E pueblo di Corsow a demostra di tin hamber y set pa e Palabra di Dios. Mas cu 10.000 persona a yena Centro Deportivo Corsou. Hopi ta esunnan cu despues di a tende e mensahe di speransa a invita Hesus den nan bida. Tambe tabatin hopi ku a ricibi sanacion y liberacion despues cu a hasi oracion pa nan.

Mirando locual Corsow a experencia y cu e deseo profundo pa ta di bendicion pa Aruba tambe, pastornan Raimy i Arlette Juliet a haya ariba nan curason pa hunto cu iglesia Good Samaritan Christian Center organisa dia 29 di november 2014 “Dios ta haci cosnan excelente” aki na Aruba. Lo tin transportacion for di Noord y San Nicolas pa Plaza Betico. Pa 5or di atardi lo Sali un bus for di Stadion Frans Figaroa na Noord y Joe Laveist Sport Park San Nicolas. Anochi lo hiba tur persona cu a bini riba bus bek.