Philipine van Aanholt a logra di dos medaya di Oro pa Aruba den e Weganan CAC

VERA CRUZ- Faltando un dia mas pa e competencia di vela pa ser exacto e disciplina di Laser Radial termina ya caba e medaya di Oro ta di Aruba. E atleta Philipine van Aanholt a logra triunfa den e evento Laser Radial unda e la domina esaki por completo faltando un dia mas di competencia pa bay. Cu e medaya di oro aki, Aruba a logra su dos medaya maximo algo cu nunca antes a pasa den historia di nos deporte den cualkier wega. Esaki sigur ta un tremendo noticia, uno cu lo yena nos dushi isla cu orguyo. Den su prome aparicion pa Aruba mesora e atleta Philipine van Aanholt su prome medaya ta un realidad. Siman pasa, e duet den synchro Kyra y Anouk a logra medaya di brons, diamars Kamilah Dammers ta logra medaya di Oro den boliche y diahuebs Philipine van Aanholt ta duna Aruba su tres medaya anto un di e color di mas bunita esta Oro.