Aruba y Hulanda ta diferencia di opinion si Hulanda tin grip riba nos

ORANJESTAD – Aruba (lesa: prome minister Evelyn Wever) y Hulanda ta diferencia di opinion riba e hecho cu e protocol firma na 2018 pa cu Laft y CAft, mester di ta ancra den un ley. “Ami ta diferencia di opinion, pero mi ta kere nan mes ta mas bruha cu un bol di hilo” Wever a bisa den e programa Noticiacla LIVE recientemente. Wever ta conclui esey pasobra un rato Hulanda ta bisa Aruba cu e mester cambia e ley di LAFt bek pa duna Hulanda poder bek, y di otro banda ta manda Aruba un carta cu e ta bay duna Aruba un ‘aanwijzing’. Pues Hulanda segun Wever, no por dicidi si e tin grip riba Aruba of no. 

OPINION

Wever ta bisa cu e ta di opinion cu e ley manera cu gobierno di Aruba tabatin,- cu no a cambia pasobra e ‘revision’ no a wordo ratifica’-, cu ta e mesun di 2015 plus e protocol hunto, ta duna e base suficiente pa e grip di Rijksministeraad. “Mi ta di acuerdo y CAFT tambe ta pensa esey (esta cu Hulanda no a perde su grip riba Aruba:red) , ya cu CAFt tambe a bisa y a bolbe cuminsa un aanwijzings traject pa nos atrobe. E di dos cu nan ta cuminsa den tres, cuater luna” Wever a sigui bisa. “Sea bo tin grip of bo no tin grip”.