- Cantidad grandi di Dominicano bibando illegal na.Aruba a bolbe nan pais boluntariamente
- Aeroliña Mericano a reduci prijs di pasashi pa Aruba cu 50% e siman aki!
- Candela na WEB tin suministro di coriente delicado!
- Partido MAS a entrega mocion di desconfiansa contra minster Glenbert Croes
- Na Corsou a sentencia homber Arubiano gara cu 1 kilo y mei di marihuana geplak na barica
Gobierno y Husticia a reconfirma nan compromiso cu TOYOTA
(ADVERTORIAL)
ORANJESTAD - Cu grato placer Garage Cordia Aruba a entrega varios vehiculo na Cuerpo Policial Aruba (KPA). Nan a entrega dos bus pa transporta grupo grandi di personanan, un auto SUV marca Toyota modelo RAV4 Hybrid pa gasta menos gasolin, un Pickup Toyota Landcruiser pa lastra e Boto di Polis y dos Toyota Yaris. Danilo Werleman, CEO di Garage Cordia Aruba, a sigura di ta masha orguyoso cu husticia y Gobierno a bolbe mustra nan confiansa di semper den autonan di e marca Toyota. Nan ta conoci pa autonan duradero y hopi gusta y ta spera cu por uzanan pa hopi aña mas y cu hopi placer.
Di parti di Cuerpo Policial, Errol Zebeda a comenta cu nan a pidi diferente compania pa haci un oferta. A analisa e ofertanan aki y finalmente a scoge diferente auto pa uza den Cuerpo Policial. Tin dos bus Toyota Coaster cu Scol di Polis ta uza pa transporta e aspirantenan y si ta necesario, na momento di accion, tambe nan por transporta personal cu e busnan. Tin un pickup Toyota Landcruiser pa Maritiem Politie. Ta trata aki di un pickup fuerte cu por lastra boto. Tambe a busca un Toyota RAV4 cu ta pa e departamento forensico di Polis, pa ora algo pasa na un luga pa nan por yega eynan y haci trabao di investigacion. Tambe tin dos Toyota Yaris chikito cu ta pa entre otro e bode, cu ta bay diferente warda y oficina di Gobierno pa busca post y material. Tambe tin un auto pa magazijn, cu ta percura pa departamentonan haya nan diferente materialnan.
Frank Dennert, COO di Garage Cordia Aruba a conta cu for di aña pasa a cuminsa cu un destaho publico y despues di esaki nan a compara e autonan y scoge riba tur e dealernan cua auto pa cua departamento. Cuerpo Policial a scoge for di Garage Cordia Aruba pa nan haya diferente auto, manera ya menciona, cual ta un mescla di auto cu nan tin mester pa nan por lease pa cuater aña. Den e leasenan tambe ta pone nan exigencianan, stickering, cierto tint, depende di e funcion y Garage Cordia Aruba a pone den un pakete. Tur esey ta bin extra depende di e rekisitonan cu Cuerpo Policial tin mester pa e autonan.
Garage Cordia Aruba tin su garage y bodyshop, pa instala tur cos hunto den un solo pakete cu na momento di entrega di e autonan, nan tin tur cos inclui. Den pasado Garage Cordia Aruba y Cuerpo Policial a traha caba entregando autonan di bon calidad cu ainda nos por mira ta core riba caminda. Esaki ta un muestra di durabilidad y e confiansa cu tin entre e partnernan aki.
Awo cu e adkisicion di e flota nobo di auto pa Cuerpo Policial, a keda demostra cu Garage Cordia tin autonan di calidad haciendo cu e confianza ta mas grandi cu nunca.
Candela na WEB tin suministro di coriente delicado!
BALASHI – Diamars atardi a bati alarma grandi pa un candela den un di e motornan RECIP na WEB. E planta mes a confirma cu ta trata aki di e motor RECIP#7. “No tabatin heridonan y e situacion di suministro di (di coriente) pa awor ta bou control, pero si delicado” e vocero di e compania Asja Dongen a sigui bisa. “Actualmente nos team ta bezig ta handle e situacion. Asina cu tin mas informacion, nos lo duna update” e vocero a sigui bisa. Por a mira nubia shinishi di e candela di leu.
HOH Academy a ofrece curso ‘ Doctor On Board’ pa ora di incidente riba avion
ORANJESTAD - Siman pasa pa tres dia largo Horacio Oduber Hospital (HOH) a ofrece e curso Doctor On Board duna pa KLM Health Services. Durante e curso interactivo aki, e participantenan a haya sa mas tocante kico pa haci na momento cu un incidente medico tuma luga den avion. Lenie Denteneer, Manager di HOH Academy, a duna di conoce cu Doctor On Board ta un curso organisa pa HOH Academy conhuntamente cu KLM Health Services y cu e ta un curso masha popular mes na Hulanda. Hasta tin un lista di espera na Hulanda cu por bay te cu 2 aña di hende interesa pa forma parti di e curso Doctor On Board. HOH a organisa un total di tres dia di curso, pues cada dia un grupo tabatin e oportunidad pa forma parti di e curso interesante pa asina siña riba diferente topico cu ta importante pa sa asina cu aborda un avion di KLM.
Forum riba importancia di Child Car Seat den trafico, na Tele Aruba awenochi
ORANJESTAD - Comision Trafico Sigur ta contento di anuncia e lansamento di su prome programa di Television hunto cu Telearuba esta Forum, cu e meta pa educa comunidad ariba diferente aspecto di siguridad den trafico. E programa lo wordo transmiti Diamars 16 di April 2024, di 8:30 p.m. pa 9:30 p.m., via TeleAruba y tambe Live riba Facebook.
Documentario di ATA, "Blue Lizard Effect" lo expone Aruba riba canalnan internacional di television
ORANJESTAD - Durante un anochi bou di streanan na Parke Arikok, den presencia di bishitantenan special, productornan y partipantenan di e documentario, A.T.A. a presenta na presentacion den un manera exclusivo di e documentario di “Blue Lizard Effect”. Un serie documental revolucionario cu ta profundisa su mes den e mundo fascinante di Aruba, pero di un angulo diferente; e serie ta explora e concepto energetico di felicidad y e conexion profundo cu e cultura, e hende, y naturalesa di e isla ta provee pa cu esaki. Aruba ta asina e escenario unda cu ta papia di e topico di un bida feliz y con pa enfoca riba esaki.
Healthy Llifestyle Center a habri sucursal pariba di brug na MFA Savaneta
Wendy’s Aruba ta estrena programa Wendy’s Care
Follow NoticiaCla
