Polis buscando “tip” pa casonan recien di atraco

ORANJESTAD - Cuerpo Policial ta acercando nos comunidad pidiendo pa “tip” en conexion cu e casonan di atraco cu a tuma luga riba dianan 10, 13, 18 y 25 di november ultimo. Aki ta trata di atraconan riba dos oficina di bende number.

E prome caso a tuma luga na San Nicolas riba dia 10 di november y e di dos a tuma luga na Oranjestad riba dia 13 di november. E atraconan di dia 18 di november tabata riba un minimarket na Tamarijn y riba un tienda na Oranjestad . Ademas, Polis ta buscando "tip" tocante e atraconan cu tuma luga riba dia 25 di november na Angochi Lottery, e oficina di bende number na Savaneta banda di Hotel Roys y e oficina di bende number banda di Lekker Restaurant na Noord.

Polis ta pidi pa ciudadanonan cu por tin cualkier informacion tocante e casonan aki of cualkier otro caso pa yama e tiplijn 11141. Polis ta garantisa e anonimidad di personanan cu yama via di e number aki.