Accidente di trafico na entrada di Colony a bira uno fatal

SEROE COLORADO - E accidente serio di un rato pasa a bira uno fatal, ora cu un rato pasa a confirma cu e motorciclista envolvi a fayece a consecuencia di e accidente tragico aki. Informacion cu noticiacla.com tin ta cu e motorciclista lo a perde control y dal den e v-car cu tabata biniendo den su direccion. E accidente a keda raporta den careda di 6'or awe tardi unda cu a manda varios unidad di polis, ambulance y bombero na e sitio pa atende cu e caso. Henter e area yegando Colony, na altura di e entrada, unda cu tin e anker cora, ta cera aworaki pa polis y demas autoridad por haci nan trabou necesario.