SVGA Ta pidi ayudo pa haya un cas pa huur pa muchanan special

SVGA Ta pidi ayudo pa haya un cas pa huur pa muchanan special

Posted on 10/10/2019 2:58 pm AST | Updated on 10/10/2019 2:58 pm AST

ORANJESTAD - Stichting voor verstandelijk gehandicapten (SVGA) ta buscando un cas pa huur unda 10 mucha/hoben lo por biba bou guia di profesionalnan. E cas mester ta un lugar safe pa su habitantenan. Mester tin un bon cura y sufficiente kamber y banjo pa 10 habitante por biba den e cas.  Den dia e habitantenan lo bishita un di e departementonan di SVGA sea Scol Dun’unman, Pasadia Bibito Pin, Pasadia Briyo di Solo of Centro Man na Obra. Atardi, anochi y den weekend/vakantie e habitantenan lo ta na e cas mescos cu den un famia.

Gobierno lo financia di e Sociaal Crises Plan e projecto aki pa SVGA por guia 10 mucha/hoben den e cas. Tur lo ta mucha/hoben cu no por keda biba cerca nan mayor sea temporal of permanente. E budget pa e cas ta limita na un maximum di 4000 florin pa luna, dor cu e subsidio cu SVGA lo ricibi no ta permiti di paga mas cu esey. Please yuda SVGA pa haya un cas adecuado pa SVGA por yuda muchanan/hobenan cu un limitacion intelectual y nan famia. 

Pa mas informacion por yama sra. Els van Homelen, directora di SVGA, na number 522-7842/62 o yama sra. Omaira Leysner, cabesante di Cas Sjabururi, na number 522-7841. Por mail tambe na [email protected]. Mas informacion di nos fundacion en general por haya riba nos website www.svga.aw.

 

 

  • Si mayornan no manda yiunan scol otro siman, esaki lo tin consecuencia

    Si mayornan no manda yiunan scol otro siman, esaki lo tin consecuencia

    ORANJESTAD – Ora cu scolnan basico y preparatorio habri 100% otro siman na Aruba, pero e mayornan dicidi toch cu no ta hiba mucha scol, e lo tin consecuencia pa e mayornan. Asina a compronde di prome minister Evelyn Wever Croes dialuna anochi durante e briefing riba Coronavirus. “Bo ta perhudica e mucha door di no lag’e bay scol” Wever a bisa noticiacla.com dialuna anochi. A puntra e mandatario, si tin consecuencia pa mayornan si nan toch tin miedo ainda pa hiba nan yiunan scol. Y e contesta pues ta si. A anuncia cu bureau leerplicht tambe ta informa di e situacion. 

  • Otro siman scolnan basico y preparatorio por habri 100% bek

    Otro siman scolnan basico y preparatorio por habri 100% bek

    ORANJESTAD – Entrante otro siman dialuna 8 di juni 2020, scolnan basico y preparatorio por habri bek 100%. Asina prome minister di Aruba Evelyn Wever Croes a anuncia dialuna anochi den e briefing pa Corona virus. Esaki ta nifica cu contrario na e forma con a habri e siman aki cu alumnonan mester a bay den dos grupo, y parti riba algun dia, esaki no mester mas entrante otro siman. Esey ta nifica cu entrante otro siman, alumnonan por bay scol henter dia tur dia, pa e periodo cu falta prome cu vacacion escolar. 

  • Patruyanan intensivo lo kontinua rondo di islanan ABC

    Patruyanan intensivo lo kontinua rondo di islanan ABC

    ORANJESTAD - WardaCosta huntO ku Defensa lo continua cu patruyanan intensivo rondo di e islanan di Aruba, Boneiru y Corsou. E patruyanan amplio aki ta principalmente pa evita yegada di lanchanan cu personanan indocumenta na bordo cu por ta infecta cu e virus di COVID-19. Na momento cu e personanan aki yega e islanan sin ser controla, nan por forma un peliger pa habitantenan.

  • Ex minister Oduber ta entrega denuncia contra Michael Williams

    Ex minister Oduber ta entrega denuncia contra Michael Williams

    ORANJESTAD – E siman aki ex minister Otmar Oduber ta entrega keho pa denuncia falso contra ciudadano Micheal Williams. Williams a entrega un denuncia di 58 pagina contra Oduber, y 6 otro persona pa corupcion y fraude entre e cargonan. Oduber a desmenti mas prome den noticiacla.com cu esaki ta puro nonsense, y como tal a pasa na recherché pa entrega keho. Pero aki nan a bise cu mester haci esaki di otro forma y bay Ministerio Publico pa haci e denuncia. E ex mandatario despues a sigura (na prensa) cu e ta inocente di tur e cargonan y cu pesey el a opta pa mesora haci un contra denuncia, y den forma di falsificacion (valsheid in geschrifte). El a sigura cu diamars e lo tene un conferencia di prensa pa splica detayadamente riba e puntonan cu Williams a trece dilanti

  • Colegio EPI ta habri diaranson awor pa publico

    Colegio EPI ta habri diaranson awor pa publico

    ORANJESTAD - Colegio EPI ta informa e comunidad di Aruba, specialmente tur esnan cu a inscribi pa e aña escolar nobo, cu nan lo habri bek pa publico entrante diaranson 3 di juni 2020. Colegio EPI a asigna 2 area principal pa atende cu publico, esta Open Leercentrum (OLC) y Stafbureau.

  • Encuesta riba registracion di union civil di pareha di mesun sexo

    Encuesta riba registracion di union civil di pareha di mesun sexo

    ORANJESTAD – E siman aki Corte a dicta riba un caso unda cu e ta mustra cu Gobierno di Aruba no ta actuando corecto door di tarda cu e proceso referente registracion di union civil di pareha di mesun sexo. Mientras cu e no por obliga gobierno pa actua, e ta mustra si cu door di tarda cu e asunto, gobierno ta actuando ilegal. Noticiacla.com kier sa di bo kico abo ta pensa riba e tema y a formula e siguiente encuesta riba e tema. Manera semper, e intencion ta pa haya informacion pa por usa pa un raportahe, y e informacion lo keda anonimo. Pa bo participa na e encuesta, click AKI. 

  • Powered by SETAR