SVGA Ta pidi ayudo pa haya un cas pa huur pa muchanan special

SVGA Ta pidi ayudo pa haya un cas pa huur pa muchanan special

Posted on 10/10/2019 2:58 pm AST | Updated on 10/10/2019 2:58 pm AST

ORANJESTAD - Stichting voor verstandelijk gehandicapten (SVGA) ta buscando un cas pa huur unda 10 mucha/hoben lo por biba bou guia di profesionalnan. E cas mester ta un lugar safe pa su habitantenan. Mester tin un bon cura y sufficiente kamber y banjo pa 10 habitante por biba den e cas.  Den dia e habitantenan lo bishita un di e departementonan di SVGA sea Scol Dun’unman, Pasadia Bibito Pin, Pasadia Briyo di Solo of Centro Man na Obra. Atardi, anochi y den weekend/vakantie e habitantenan lo ta na e cas mescos cu den un famia.

Gobierno lo financia di e Sociaal Crises Plan e projecto aki pa SVGA por guia 10 mucha/hoben den e cas. Tur lo ta mucha/hoben cu no por keda biba cerca nan mayor sea temporal of permanente. E budget pa e cas ta limita na un maximum di 4000 florin pa luna, dor cu e subsidio cu SVGA lo ricibi no ta permiti di paga mas cu esey. Please yuda SVGA pa haya un cas adecuado pa SVGA por yuda muchanan/hobenan cu un limitacion intelectual y nan famia. 

Pa mas informacion por yama sra. Els van Homelen, directora di SVGA, na number 522-7842/62 o yama sra. Omaira Leysner, cabesante di Cas Sjabururi, na number 522-7841. Por mail tambe na [email protected]. Mas informacion di nos fundacion en general por haya riba nos website www.svga.aw.

 

 

  • Stichting Parkietenbos y Serlimar a reuni riba holor malo na Ser’i Teishi

    Stichting Parkietenbos y Serlimar a reuni riba holor malo na Ser’i Teishi

    ORANJESTAD - Stichting Parkietenbos y Serlimar a reuni riba holor malo na Ser’i Teishi. Segun un comunicado di e fundacion, un team di boluntario cu ta forma parti di Stichting Parkietenbos a topa cu Serlimar na Ser’i Teishi diaranson mainta pa 9’or y mei. Esaki tabata un reunion solicita ya pa algun siman caba di parti di e fundacion di e barionan pa motibo cu ademas di huma y holor malo di e dump di Parkietenbos, holor malo di Ser’i Teishi tambe a cuminsa afecta e barionan concerni. E team di habitantenan tabata di e barionan: Mahuma,  Parkietenbos, Simeon Antonio, Buena Vista y Bucutiweg. Nan a reclama energicamente na Serlimar e holor malo cu ta biniendo di e area di Ser’i Teishi y kier a haya un splicacion pasobra cu e solucion temporal aki ta birando un di dos molester y peliger pa salud di e famianan di e barionan den sercania. 

  • Situacion na aeropuerto Reina Beatrix a normalisa despues di evacuacion

    Situacion na aeropuerto Reina Beatrix a normalisa despues di evacuacion

    ORANJESTAD – Un ora despues cu aeropuerto Reina Beatrix a bati alarma di evacuacion awe mainta, e situacion a normalisa atrobe. Manera cu noticiacla.com a raporta inicialmente, a evacua tur persona den e terminal di yegada den careda di 9:30am debi na un problema cu e sistema di UPS (Uninterruptible Power Supply ) den e centro di comunicacion. Asina representante di aeropuerto Barbara Brown a comunica e momento ey. No tabata conoci exactamente kico e embergadura di e problema tabata exactamente. A busca cuerpo di bombero pa atende e situacion y evalua si ta kita e sistema UPS of no. Mientrastanto buelonan por a sigui opera, pero pasaheronan cu tabata yega Aruba, no por a baha di avion ainda.  A resulta finalmente cu e situacion no tabata asina grave. Segun vocero di aeropuerto, e  board di e computer a kima y no e baterianan, manera cu a kere inicialmente, cu por tabata mas grave. Mientrastanto tur empleado ta bayendo bek paden di e edificio. 

  • A evacua personal den terminal di yegada di Aeropuerto Reina Beatrix

    A evacua personal den terminal di yegada di Aeropuerto Reina Beatrix

    ORANJESTAD – Awe mainta aeropuerto Reina Beatrix a evacua tur persona den e terminal di yegada, debi na un problema cu e sistema di UPS (Uninterruptible Power Supply )den e centro di comunicacion. Asina representante di aeropeurto Barbara Brown a comunica awe mainta. No ta conoci exactamente kico e embergadura di e problema ta exactamente. A busca cuerpo di bombero pa atende e situacion y evalua si ta kita e sistema UPS of no. MIentrastanto buelonan por a sigui opera, pero pasaheronan cu tabata yega Aruba, no por a baha di avion ainda. Keda pendiente pa mas informacion. 

  • Cruz Cora Aruba a colecta mas di 35 mil florin pa damnificadonan di horcan na Bahamas

    Cruz Cora Aruba a colecta mas di 35 mil florin pa damnificadonan di horcan na Bahamas

    ORANJESTAD – Cruz Cora Aruba a colecta 35.604 mil florin y a manda esaki pa yuda damnificadonan na Bahamas pa daño cu horcan Dorian a causa recientemente eynan. Cruz Cora a informa esaki recientemente despues di tur e colectanan cu a tuma lugar recientemente. Ta custumber cu ora cu tin situacionan asina, cu Cruz Cora ta haci colecta pa asina yuda bisiñanan den necesidad.

  • Minister Oduber no ta esun pa determina cu Ecogas mester cera pasobra el lo a fracasa

    Minister Oduber no ta esun pa determina cu Ecogas mester cera pasobra el lo a fracasa

    ORANJESTAD – Minister Otmar Oduber no ta esun cu por determina cu Ecological  (awor Ecogas) mester cera pasobra e lo a fracasa.  Asina e compania Ecogas ta bisa, alegando cu e mandatario ta ‘un gañado professional’ debi na tur e ponencianan cu el a bin ta haci ultimo tempo riba e tema aki. Ecogas y ,  contrario na ponencia di Otmar Oduber, Ecogas a duna bon resultado segun e compania y te ainda ta funciona hopi bon. A refresca memoria di e mandatario cu contrario na loke Oduber ta sigui bisa, Ecogas a wordo funda 13 aña pasa cu nomber di Ecological Technologies Freezone N. V. (Ecological) hopi prome cu a pensa pa produci gas.  E tempo ey e tipping fee na Parkietenbos lo a subí di F.60 pa F.160 pa ton pa cubri e costo real pero Gobierno e tempo ey a dicidi di subsidia e diferencia toch, lagando e tipping fee na Parkietenbos na 60 florin. Ningún cliente di Ecotech tabata dispuesto pa paga más  y e planta a start 9 aña pasa cobrando 60 florin y sacando recyclables manera cartón, papel, aluminum, hero etc. y sobrá tabata hiba Parkietenbos.  Ya caba e tempo ey Ecological a negocia cu Argos pa manda e sobrá di desperdicio (RDF) pa nan planta di cement pa wordo uza como fuel na luga di carbón. Económicamente esaki no tabata posibel cu un tipping fee di 60 florin y e projecto pa exporta a keda pendiente. No tabata tin ningun plan pa produci gas e tempo ey tampoco.

  • Rotaract Club of Aruba a colabora cu diferente scol di Aruba cu The Graduation Project

    Rotaract Club of Aruba a colabora cu diferente scol di Aruba cu The Graduation Project

    ORANJESTAD - E aña escolar aki ‘The Graduation Project’ lo ta celebrando su di 5 edicion. Esaki ta un proyecto unda miembro y boluntarionan di Rotaract Club of Aruba ta organisa diferente sesionnan durante aña escolar pa examenkandidaten. Meta di e proyecto aki ta pa stimula, motiva y sostene e studiantenan door di duna nan tips valioso. Abraham de Veer, St. Augustinus College, Maria college MAVO, Colegio Arubano, Ceque College y Avond MAVO, ta e scolnan cu miembronan di Rotaract Club of Aruba lo ta bishitando pa duna diferente workshops durante e aña escolar. 

  • halloween crystal- local
  • Powered by SETAR