Mama di Natalee Holloway cu demanda di 50 miyon dollar contra documentario produci

BIRMINGHAM, Ala. (WBMA) — Despues di 14 aña cu e damita Mericano Natalee Holloway a disparce na Aruba durante su vacacion, e mama (Beth Holloway) ainda ta uza e caso aki, pa genera fondo personal. E biaha aki a demanda un canal di television pa 50 miyon dollar, pa a crea stress emocional intencionalmente, door di suministra informacion incorecto durante un documentario. E caso ta poni pa bay corte na 2020. Un huez federal den Birmingham a publica e orden di aparicion di Beth Holloway contra Oxygen Media y Brian Graden Media cu lo trata e caso na september 2020. Mientrastanto e caso nunca no a keda soluciona, pero tin yen di articulo, pelicula y otro forma di publicacion cu a keda traha riba e tema aki. 

E CASO

E mama ta alega cu na februari 2018, e compania menciona a produci un documentario ‘The Dissapearance of Natalee Holloway’ cu a examina e desaparicion di Holloway na 2005 na Aruba. Holloway su mama ta alega cu e conducta di e compania tabata fraudulento, indignante y no tin lugar den nos sociedad civil. E productornan lo a bisa cu weso haya tabata resto di bestia, pero a bisa e mama, cu ta weso humano, pa cual nan a pidi e mama pa DNA di su yiu. Na tur, a pidi 50 miyon dollar na daño y perhuicio. Ta trata di 20 miyon na daño compensatorio y 30 miyon na daño punitivo.